| e-texts navigator |
| Wylie |
312b1 ཕྲིན་ལས་བཅོལ།། བསྟོད་དང་དངོས་གྲུབ་བླང་བ་དང་།། སྨོན་ལམ་གདབ་པར་བྱ་བ་ཡིན།། ཚོགས་ཀྱི་མཆོད་པ་དབུལ་བ་དང་།། སྡིག་པ་བཤགས་པར་བྱ་བ་དང་།། རང་རེ་གང་བྱེད་སྲུང་མ་ལ།། བསྐང་གསོའི
312b2 རིམ་པ་རྒྱས་པར་བྱ།། བང་རིམ་ཐ་མ་གཉིས་པ་ལ།། གླུ་དང་གནམ་ལ་འཕུར་དགུ་དང་།། བར་ན་འགྲོ་ལ་དགུ་མི་ནོར་དགུ།། ས་ལ་འཛུལ་དགུ་ལ་སོགས་པ།། ནམ་མཁའ་ངར་བུ་མདའ་འཕང་སོགས།། འདོད་ཡོན
312b3 རྣམ་ལྔར་བྱིན་བརླབས་ལ།། མདོས་ལ་སྤྱན་དྲང་བསྐུལ་བར་བྱ།། གླུད་རྣམས་རྒྱས་པར་གྲངས་ལ་གདབ།། ཚེ་ཡི་ཆོ་ག་རྒྱས་པར་བྱ།། མདོས་བསྔོ་ཞིང་དབུལ་བའི་སྐབས་ཏེ་ལྔ་པའོ།། །། དེ་ནས་གཞན་ཡང
312b4 བཤད་བྱ་བ།། རྦོད་གཏོང་ལ་སོགས་བཟློག་པ་ན།། དཀྱིལ་འཁོར་ཚུལ་བཞིན་བྲིས་པ་ཡིས།། སྟེང་དུ་འཆར་ཀ་འཁོར་བཅས་རྣམས།། རི་རབ་བུམ་རྩེའི་སྟེང་དུ་དགོད།། བང་རིམ་རྣམས་ལ་གླུད་ཀྱིས་དགང་།། ལྗང
312b5 བུ་དམར་ནག་བདུན་ཡང་གཟུག། འཇིག་རྟེན་དར་སྣ་མང་པོས་བརྒྱན།། ཟོར་རྫས་ཚང་བའི་ཀོང་བུ་ནི།། རབ་འབྲིང་གང་འགྲུབ་དཀྱིལ་འཁོར་གྱི།། སྟེང་དུ་དགོད་པར་བྱ་བ་ཡིན།། ཟུར་བཞིར་རྒྱལ་མཚན་བཞི་ཡང
312b6 གཟུག། བལ་བུ་ལ་སོགས་ཤིང་སྣ་བཞི།། ཕྱོགས་བཞིར་གཟུག་ཅིང་ལྷ་རྣམས་ལ།། བྱིས་པ་འུར་རྡོ་རྡེག་པ་བདུན།། ཁ་དོག་ནག་པོར་བྱིས་ལ་དགོད།། རང་ལ་གང་གནོད་མཐུན་པའི་རྫས།། དཀྱིལ་འཁོར་མཐའ
iiif viewer powered by OpenSeadragon
