| e-texts navigator |
| Wylie |
311b1 དུང་།། ཐོད་པའི་རྔ་ལ་སོགས་པ་བཤམ།། དེ་མཐའ་ལྕགས་རིས་བསྐོར་བ་ལ།། ཤིང་ཆེན་བཞི་དང་ལྗང་བུ་གླུད།། ཇི་ལྟར་འབྱོར་བས་བསྐོར་བྱས་ཏེ།། མགྲོན་གྱི་ལྷ་ལ་གླུད་དུ་དབུལ།། གལ་ཏེ་བཟློག་མདོས་བྱེད
311b2 གྱུར་ཏེ།། ཟོར་དང་སྐྲག་ན་ཟོར་ཀོང་གིས།། མཐའ་མ་འཁོར་བར་དགོད་པར་བྱ།། སྐོང་མདོས་ཀྱི་སྐབས་ཏེ་གསུམ་པའོ།། །། དེ་ནས་གཞན་ཡང་བཤད་བྱ་བ།། བཟློག་པ་ལ་ནི་རྣམ་གཉིས་ལ།། ལྟས་ངན་བཟློག
311b3 པའི་ཁ་བསྒྱུར་ནི།། རི་རབ་ཕྱི་ཡི་ལྕགས་རི་ལ།། ཤར་དུ་རྒྱལ་པོ་བཟློག་པའི་ཡས།། བྱི་ལ་ཕྱེ་ཡིས་བྱུགས་པ་བརྒྱད།། ཤེལ་གྱི་ནམ་མཁའ་དཀར་པོ་བརྒྱད།། ཤེལ་ལྗང་དཀར་པོ་མཛེས་པ་བརྒྱད།། མདའ་དཀར
311b4 བརྒྱད་དང་འཕང་དཀར་བརྒྱད།། མཛེས་པའི་རྒྱན་གྱིས་བརྒྱན་ལ་དགོད།། ལྷོ་རུ་དམུ་རྣམས་བཟློག་པའི་ཡས།། དམུ་བྱ་ཕུག་རོན་སྔོན་མོ་དང་།། མདའ་འཕང་ཐམས་ཅད་སྔོན་པོ་སྟེ།། བརྒྱད་བརྒྱད་གྲངས་སུ་ཚང
311b5 བར་དགོད།། ནུབ་ཏུ་བཙན་རྣམས་བཟློག་པའི་ཡས།། རྟ་པ་དམར་པོ་མཛེས་པས་བརྒྱན།། ནམ་མཁའ་དང་ནི་ལྗང་བུ་དང་།། མདའ་འཕང་དམར་པོ་བརྒྱད་བརྒྱད་དགོད།། བྱང་བུ་གཉེན་རྣམས་བཟློག་པའི
311b6 ཡས།། སྤྲེའུ་སེར་པོ་གར་བྱེད་བརྒྱད།། ནམ་མཁའ་སེར་པོ་ལྗང་བུ་དང་།། མདའ་འཕང་སེར་པོ་བརྒྱད་བརྒྱད་དགོད།། ལོ་རྒྱུས་བདེན་པའི་སྦྲང་གིས་དཀྲོལ།། ཕྱི་རྗེས་ཟོར་གྱིས་གཅད་པར་བྱ།། ལྟས་ངན་བཟློག
iiif viewer powered by OpenSeadragon
