| e-texts navigator |
| Wylie |
272a1 འདུས་པའི་རྒྱུད་ལས་ལེའུ་དང་པོའོ།། །། དེ་ནས་བཅོམ་ལྡན་འདས་ཆོས་ཀྱི་རང་བཞིན་དེ། ཡེ་ཤེས་ཆེན་པོའི་རོལ་པར་ཤར་བར་མཁྱེན་ནས། སྐུ་གསུང་ཐུགས་མཉམ་པ་ཉིད་མི་དམིགས་པར
272a2 མཛད་དེ། ཆེད་དུ་བརྗོད་པ། མ་ནོར་མ་བཅོས་དེ་བཞིན་ཉིད།། མི་གནས་མི་རྟོག་བསམ་དང་བྲལ།། མ་ཆགས་ཆགས་བྲལ་ཡུལ་ལས་འདས།། ཅིར་ཡང་མ་ཡིན་ཅིར་མ་ཡིན།། རང་བྱུང་རང་ཞི་བརྗོད་དང
272a3 བྲལ།། རྣམ་པར་མི་རྟོག་ཡེ་ཤེས་ཀྱི།། རྟོག་པའི་དངོས་པོ་ཟིལ་གྱིས་གནོན།། སྟོང་པའི་གོ་ཆ་བླ་ན་མེད།། སྐྱེ་མེད་སེམས་ཉིད་ཡི་དམ་ལྷ།། ཞེས་གསུངས་སོ།། ཆོས་སྐུ་སྐྱེ་འགག་མེད་པ་ལས།། ཡེ་ཤེས་ཆེན་པོ་རོལ
272a4 པའི་སྐུ།། དངོས་མེད་རྟོག་པ་ཟིལ་གྱིས་གནོན།། མཐིང་ནག་ཞལ་གསུམ་ཕྱག་དྲུག་སྟེ།། རྣམ་པར་ཐར་པའི་དབུ་གསུམ་གྱིས།། སྲིད་པ་གསུམ་པོ་སྒྲོལ་བར་མཛད།། ཕ་རོལ་ཕྱིན་དྲུག་ཕྱག་མཚན་ནི།། འཁོར་ལོ
272a5 རལ་གྲི་རྡོ་རྗེ་དང་།། བེ་ཅོན་གཏུན་ཤིང་སྡིགས་མཛུབ་འབར།། རྒྱུད་དྲུག་གནས་པའི་ལོག་ལྟ་སྒྲོལ།། ཚད་མེད་བཞི་དང་རྫུ་འཕྲུལ་རྐང་།། སྐྱེ་བ་རྣམ་བཞི་སྟོང་བདག་མེད།། གླང་ཆེན་ཀོ་རློན་གོས་སུ་གྱོན།། ཞིང
272a6 ལྤགས་གཡང་གཞི་ཡ་བས་བསྐོར།། སྟག་གི་པགས་པས་ཤམ་ཐབས་བྱས།། སྐམ་རློན་ཐོད་པས་རྒྱན་དུ་བྱས།། རིགས་བཞིའི་ཀླུ་དང་ས་བདག་གཉེན།། དྲེགས་པ་བརྒྱད་པོ་ཕྱོགས་མཚམས་བསྣོལ།། མ་ཧེ་གླང་པོ
iiif viewer powered by OpenSeadragon
