| e-texts navigator |
| Wylie |
271b1 བའི་ཕྱོགས་དང་བྲལ་བ་སྟེ། དོན་ཆོས་ཉིད་ནམ་མཁའ་ལྟ་བུ་ལས་མི་འདའ་བའི་དགོངས་པ་དང་། དངོས་གྲུབ་ཆེན་པོ་རང་གི་སེམས་ཉིད་དེ།། དགོས་འདོད་འབྱུང་བའི་རིན་པོ་ཆེ་ལྟར་དུ། ཇི་ལྟར་དམིགས་ཤིང
271b2 བསྒྱུར་བས་འགྲུབ་པ། བསྒྱུར་བའི་དོན་ཐམས་ཅད་རྫོགས་པའི་དགོངས་པ་དང་། ཕྲིན་ལས་རྣམ་པ་བཞི་ལ་སོགས་པས་གང་ལ་གང་གིས་འདུལ་བར་སྟོན་པ་ནི། སངས་རྒྱས་ཀྱི་ཕྲིན་ལས་ཐམས་ཅད་རྫོགས་པའི
271b3 དགོངས་པའོ།། དེ་ལྟ་བས་ན་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་དངོས་གཞི་མ་བཅོས་པའི་དེ་ཁོ་ན་ཉིད་དུ་འདུས། ཁམས་གསུམ་དང་དུས་གསུམ་གྱི་སེམས་ཅན་ཐམས་ཅད་ཀྱི
271b4 སེམས་ཀྱང་དེ་ཁོ་ན་ཉིད་དུ་འདུས། འཇིག་རྟེན་གྱི་དྲེགས་པ་ཅན་ཐམས་ཅད་ཀྱི་སྲོག་ཀྱང་དངོས་གཞི་མ་བཅོས་པ་དེ་ཁོ་ན་ཉིད་དུ་འདུས་པ་ཐམས་ཅད་ཀྱང་དགོངས་པ་འདིར་འདུས་སོ།། དེ་ལ་ཆེད་དུ་བརྗོད་པ་ནི།།
271b5 ཨེ་མ་ཧོ།། སེམས་ཉིད་ཀུན་ཏུ་བཟང་པོ་ཡི།། བྱས་པ་མེད་པར་སྣ་ཚོགས་འགྲུབ།། མ་བརྗོད་སྒྲ་སྐད་ཅིར་ཡང་སྒྲོག། མ་སྤྱད་རོལ་པ་རྒྱན་དུ་ཤར།། སྲིད་གསུམ་རྣམ་དག་ལྷུན་གྱིས་གྲུབ།། ཀུན་ལ་ཁྱབ་པས་ནམ
271b6 མཁའ་སྟེ།། སྣ་ཚོགས་འབྱུང་བ་རིག་པའི་གཏེར།། གཏིང་དཔག་དཀའ་བ་རྒྱ་མཚོའི་ཀླུང་།། བདེ་གཤེགས་དགོངས་པ་འདུས་པར་བཤད།། ཅེས་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་དགོངས་པ་ཁྲོ་བོ
iiif viewer powered by OpenSeadragon
