| e-texts navigator |
| Wylie |
271a1 དོན་གནས་སྐབས་ཀྱིས་མཛད་དེ། ཡང་དག་པར་ན་སངས་རྒྱས་ཀྱི་སྐུ་གསུང་ཐུགས་ཀྱི་མཛད་པ་ནི། ཆོས་ཀྱི་སྐུ་དུས་གསུམ་དུ་འཕོ་འགྱུར་མེད་པ། མ་བཅོས་པའི་ཆོས་ཉིད། མ་བསླབས་པའི་ཡེ
271a2 ཤེས། ཐམས་ཅད་བྱང་ཆུབ་སེམས་ཀྱི་རང་བཞིན་དུ་སངས་རྒྱས་པར་མཛད་དེ། བྱང་ཆུབ་ཀྱི་སེམས་ཅིར་ཡང་མ་ཡིན་པ་ཉིད། རང་བཞིན་དུ་ལྷུན་གྱིས་གྲུབ་སྟེ་བཙལ་བ་མེད་པའི་དགོངས་པར་འདུས་སོ།། མི་ཟད་པ
271a3 རྒྱན་གྱི་འཁོར་ལོ།། སྐུ་གསུང་ཐུགས་ཆོས་སྐུ་འགྱུར་བ་མེད་པ། བརྗོད་པ་མེད་པ་གསུང་མི་མངའ་བ། རྣམ་པར་མི་རྟོག་པའི་ཡེ་ཤེས་ཀྱི་དགོངས་པར་འདུས་སོ།། ཆོས་ཉིད་དུས་གསུམ་དུ་འགྱུར་བ་མེད་དེ།། དབུས
271a4 དང་མཐའ་མི་དམིགས་པ། སྤྲོས་བྲལ་ཡེ་ཤེས་ཀྱི་སྙིང་པོར། སེམས་ཀྱི་རང་བཞིན་ཅིར་ཡང་མི་སྣང་ཞིང་། ཅིར་ཡང་མི་འགྱུར་བའི་དགོངས་པ་དང་། ལྷུན་གྱིས་གྲུབ་པར་གནས་པ་ལ། བྱིས་པའི་སྤྱོད་པ་ལྟ་བུར་བྱར
271a5 མེད་དེ། མ་སྤངས་རྟོག་པ་མེད་པར་ལོངས་སྤྱོད་པས། སྐྱོན་མེད་བདེ་བ་ཆེན་པོ་ཞེས་བྱ་བའི་དགོངས་པ་དང་། ཆོས་ཐམས་ཅད་སྐུ་དང་ཡེ་ཤེས་ཀྱི་རང་བཞིན་གྱིས། སེམས་ཉིད་དཀྱིལ་འཁོར་ཆེན་པོར་ལྷུན་གྱིས
271a6 གྲུབ་པའི་དགོངས་པ་དང་། སྐྱེ་བ་མེད་པའི་ཆོས་ཀྱི་དབྱིངས་ལས་སེམས་ཀྱིས་དབང་སྒྱུར་བས། རང་རིག་པའི་རྩལ་དབང་ཐོབ་པའི་དགོངས་པ་དང་། ཆོས་ཐམས་ཅད་ནམ་མཁའ་ལྟ་བུ་ལ་བསྲུང་བ་དང་མི་བསྲུང
iiif viewer powered by OpenSeadragon
