| e-texts navigator |
| Wylie |
270b1 བརྗོད་དུ་མེད་ཅིང་བརྗོད་པ་ལས་འདས་པས། འདས་པའི་སངས་རྒྱས་ཐམས་ཅད་ནི་ཆོས་ཉིད་མ་སྐྱེས་པའི་རང་བཞིན་དུ་འདུས་སོ།། ཆོས་ཐམས་ཅད་བསམ་དུ་མེད་ཅིང་བསམ་པ་ལས་འདས་པས། ད་ལྟར་གྱི
270b2 སངས་རྒྱས་ཐམས་ཅད་ནི་བྱང་ཆུབ་ཀྱི་སེམས་བདེ་བ་ཆེན་པོར་འདུས་སོ།། ཆོས་ཐམས་ཅད་འགྱུར་བ་མེད་ཅིང་འཕོ་འགྱུར་ལས་འདས་པས། མ་བྱོན་པའི་སངས་རྒྱས་ཐམས་ཅད་ནི། ཡིད་རང་བྱུང་གི་ཡེ་ཤེས་བཙལ
270b3 བ་མེད་པར་འདུས་སོ།། དུས་གསུམ་གྱི་སངས་རྒྱས་ཐམས་ཅད་མཉམ་པ་ཉིད་སྤྲོས་པ་མེད་པའི་ཐིག་ལེ་ཆེན་པོར་འདུས་སོ།། དེ་ནས་ཕྱོགས་བཅུའི་དུས་གསུམ་གྱི་སངས་རྒྱས་ཐམས་ཅད་ཀྱི་རང་བཞིན་དེ། མཚན་མ
270b4 དངོས་པོ་ཐམས་ཅད་ལ་ཡེ་ནས་འདི་འདྲ་བར་གྲུབ་ཅིང་རྟག་པ་མེད་ལ། ཐམས་ཅད་ཆོས་ཉིད་དུ་སངས་རྒྱས་པས། སྟོང་ཞིང་ཆད་པ་མ་ཡིན་ཏེ། ཐམས་ཅད་ཆོས་ཉིད་བདེ་བ་ཆེན་པོའི་ངང་དུ་སངས་རྒྱས་པས། སྐྱེ
270b5 འགྲོ་མིང་དང་གཟུགས་ཐམས་ཅད་ཡེ་ནས་ཕྱོགས་དང་རིས། དབྱིབས་དང་ཁ་དོག་གང་དུ་ཡང་གྲུབ་པ་མེད་དེ། ཐམས་ཅད་ཡེ་ཤེས་ཆེན་པོའི་རང་བཞིན་དུ་སངས་རྒྱས་ཏེ། ཆོས་ཀྱི་སྐུའི་རང་བཞིན་གཉིས་སུ་མེད
270b6 པའི་བྱང་ཆུབ་སེམས། ཡེ་ནས་སུས་ཀྱང་མ་བྱས་མ་བཙལ་བའི་དོན། ནམ་མཁའ་བཞིན་དུ་ཡེ་ནས་གནས་ཏེ། ཇི་ལྟར་འདུལ་བའི་དོན་ལ་ཇི་བཞིན་པར་གནས་སོ།། དེ་ཡང་སེམས་ཀྱི་མཚན་ཉིད་སོ་སོར་འཛིན་པའི
iiif viewer powered by OpenSeadragon
