| e-texts navigator |
| Wylie |
270a1 འགྱུར།། དེ་འོག་རྣམ་པ་ལྔ་རུ་འགྱུར།། གཟས་པ་གཤེད་མའི་ཚོགས་ཀྱིས་གང་བ་ནི།། འབྱུང་བ་ལྔ་འཁྲུག་སྡུག་བསྔལ་ཉམས་སུ་མྱོང་།། མ་བཅོས་རང་བྱུང་སྙིང་པོ་ལེན་པར་སེམས།། གསང་བ
270a2 བཟློག་མེད་ཟེའུ་རང་རྒྱ་རུ་བསྟན། བསེ་དུང་ལྕགས་དང་གསུམ་གྱི་ལེའུ་སྟེ་བརྒྱད་པའོ།། །། @#།། རྒྱ་གར་སྐད་དུ། སརྦ་ཏ་ཐཱ་ག་ཏཱ་ཤ་ཡ་ཀྲོ་དྷ་ས་མུ་དཱ་ཡ་ཏནྟྲ་ནཱ་མ། བོད་སྐད་དུ། དེ་བཞིན
270a3 གཤེགས་པ་ཐམས་ཅད་དགོངས་པ་ཁྲོ་བོ་འདུས་པའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ཧེ་རུ་ཀ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་ཆོས་ཐམས་ཅད་ཀྱི་རང་བཞིན་དེ་ཁོ་ན
270a4 ཉིད་ཡེ་ཤེས་ཆེན་པོའི་ངོ་བོ། སྐུ་གསུང་ཐུགས་ལྷུན་གྱིས་གྲུབ་པ།། རྡོ་རྗེའི་བདག་ཉིད། ཡེ་ཤེས་ཐུགས་རྗེའི་རོལ་པ།། གཉིས་སུ་མེད་པའི་ཐིག་ལེ། ཡོངས་སུ་བཀོད་པའི་སྙིང་པོ།། ཐམས་ཅད་ནས་ཐམས་ཅད་དུ
270a5 ཁྱབ་གདལ་ཏེ།། མི་སྐྱེ་མི་འགག་ནམ་མཁའི་ངོ་བོར་ཡེ་ནས་སངས་རྒྱས་པ། ཅིས་ཀྱང་བཙལ་དུ་མེད་པ།། མི་འགྱུར་བ་འགྱུར་བ་མེད་པ།། མ་བཅོས་པ་བཅོས་པ་མེད་པ།། མི་སྣང་བ་སྣང་བ་མེད་པ།། མ་གྲུབ་པ
270a6 བསྒྲུབ་ཏུ་མེད་པ། གཉིས་སུ་མེད་ཅིང་ཐ་མི་དད་པ། ཐམས་ཅད་སོ་སོ་མ་ཡིན་པའི་སངས་རྒྱས་དེ་ཉིད། ཉིད་ལ་ཉིད་གསུང་དུ་མེད་པའི་དགོངས་པར་ཆོས་ཐམས་ཅད་འདུས་པར་གསུངས་ཏེ། ཆོས་ཐམས་ཅད
iiif viewer powered by OpenSeadragon
