| e-texts navigator |
| Wylie |
268b1 སུ་མཱ་དང་གཡས་པར་ཡ།། གཡོར་ར་ལྟེ་བའི་དབུས་སུ་ཕཊ།། འོག་མར་ནརྀ་བཀོད་གཡས་སུ་ཛ།། གཡོན་པར་བྷྱོ་བཀོད་སྟེང་དུ་རྦད་ཀྱང་བཀོད།། གཡས་པར་ལིང་རྦད་ཙིཏྟ་དབུས་སུ་ཤེས་པར་བྱ།། མངོན་རྫོགས
268b2 རྒྱལ་པོའི་རྒྱུད་ཆེན་ཇི་སྙེད་དུ།། འདི་བཞིན་ཐམས་ཅད་ཀུན་ལ་ཤེས་པར་བྱའོ།། མངོན་རྫོགས་རྒྱལ་པོའི་ལེའུ་སྟེ་བདུན་པའོ།། །། དེ་ནས་འཁོར་རྣམས་ཀྱིས་བཅོམ་ལྡན་འདས་ཀུན་ཏུ་བཟང་པོ་ལ་འདི་སྐད་ཅེས
268b3 ཞུས་སོ།། ལོག་པའི་ཤེས་པ་དང་བཅས་པ།། གང་ཞིག་བདེན་པས་མི་འདུལ་བ།། ལྔ་བརྒྱ་དུས་ཀྱི་ཐ་མ་ལ།། དེ་སྒྲོལ་གསང་སྔགས་ཇི་ལྟར་ལགས།། རང་དབང་མེད་པར་ཇི་ལྟར་འགྱུར།། དེ་ཡི་མན་ངག་ཇི་ལྟར
268b4 ལགས།། མངོན་རྫོགས་ཡབ་ཀྱིས་ལུང་བསྟན་གསོལ།། ཞེས་གསོལ་པས།། དཔལ་ཀུན་ཏུ་བཟང་པོས་བཀའ་སྩལ་པ། ལྔ་བརྒྱ་དུས་ཀྱི་ཐ་མ་ལ་ལ།། སྐལ་མེད་དད་དང་མི་ལྡན་ལ།། གང་ཞིག་དྲེགས་པས་བསྒྲལ
268b5 དོན་དུ།། ཁྱོད་ཀྱིས་ཞུས་པ་རབ་ཏུ་ལེགས།། བདེན་དོན་རབ་ཏུ་རྟོགས་པར་བྱེད།། གདུག་པ་འདུལ་བའི་དོན་སླད་དུ།། ང་ཡིས་ཁྱོད་ལ་བསྟན་པར་བྱ།། པདྨའི་སྟེང་དུ་ཧཱུཾ་བསམས་ལ།། ཕྱོགས་བཅུའི་རྒྱལ་བ་རྣམས
268b6 བསྐུལ་ཏེ།། ཧཱུཾ་ལས་ཁྲོ་བོའི་སྐུར་བཞེངས་ཏེ།། འཇིག་རྟེན་དྲེགས་པ་སུམ་ཅུ་བཀུག། དེ་ཡིས་རྣལ་འབྱོར་ལས་རྣམས་བྱེད།། མིང་ནི་བསེ་དུང་ལྕགས་དང་གསུམ།། དང་པོ་བསེ་ཡི་མཚན་ཉིད་ནི།། བསེ་དང་ཐུན་གྱི
iiif viewer powered by OpenSeadragon
