| e-texts navigator |
| Wylie |
268a1 འགྱུར།། གསལ་བའི་དཀྱིལ་འཁོར་རྫོགས་པ་ལ།། རང་བཞིན་གྲུབ་པའི་བྱིན་དབབ་ཕྱིར།། གསང་སྔགས་ཟབ་མོ་རབ་བསྐྱོད་པས།། དབྱིངས་ནས་དཀྱིལ་འཁོར་སྤྱན་འདྲེན་མཆོད།། རང་རང་གནས
268a2 སུ་བདེ་བཞུགས་པས།། དབང་བསྐུར་བྱིན་དབབ་ཐམས་ཅད་རྫོགས།། ཡང་དག་དཔའ་བོ་སྐུ་ལྷུན་གྲུབ།། ཡེ་ཤེས་ལྔ་ལྡན་སངས་རྒྱས་སྐུ།། སྐུ་གསུང་ཐུགས་ཀྱི་བདག་ཉིད་ཅན།། བདེ་བར་གཤེགས་པའི་རང་བཞིན
268a3 ཏེ།། སངས་རྒྱས་ལྔ་ཡིས་རབ་ཏུ་འཁྲིགས།། དེ་ཡིས་བསམ་པ་ཐམས་ཅད་རྫོགས།། མངོན་རྫོགས་རྒྱལ་པོའི་རྒྱུད་ཆེན་ཇི་སྙེད་གསུང་བ་རྣམས།། མཱ་ར་ཡ་ནི་འདི་བཞིན་ཀུན་ལ་ཤེས་པར་བྱ།། བདུད་མོས་བསད་པའི
268a4 ཡི་གེ་འདི་ཉིད་ནི།། བསྙེན་པར་གནས་ཏེ་འདུ་ཡ་ལིང་།། མཱ་ར་ཡ་ནི་རྣམ་པ་གསུམ་དུ་ཤེས་པར་བྱ།། མ་ཡི་འཁོར་ལོ་ལྔ་རུ་སྡིག་པའི་ཚོགས་སུ་གྱུར།། མ་ལུས་བུང་བའི་ཚོགས་སུ་དེ་བཞིན་གྱུར།། མ་ལུས་སྦྲུལ་གྱི
268a5 ཚོགས་སུ་གྱུར་པ་དེས།། མགོ་བོ་དབུ་དགུ་ཀུན་ལ་ཤེས་པར་བྱའོ།། རྩ་བརྒྱད་ནང་དུ་མགོ་བརྒྱད་ཞུགས།། དབུས་ཀྱི་འོག་མ་སྲོག་རྩ་འཛིན།། སྟེང་དུ་འཕྲོས་པས་བཅུ་བདུན་འགྱུར།། དེ་སྟེང་སུམ་ཅུ་རྩ་གསུམ
268a6 སྟེ།། འོག་ཏུ་འཕྲོས་པས་དྲུག་ཅུ་རྩ་ལྔར་འགྱུར།། དེ་འོག་རྣམ་པ་ལྔ་ཡིན་ཏེ།། སྤྱི་རུ་སྒྲུབ་ན་སྡིག་པ་ཁོ་ནར་ངེས།། སོ་སོའི་འཁོར་ལོ་ཆེན་པོ་ནི།། སྡིག་པ་བུང་བ་སྦྲུལ་དུ་བརྟག་པར་བྱ།། མཱ་ར་ཡ་ཡི་ཡི་གེ་ནི།། དབུས
iiif viewer powered by OpenSeadragon
