| e-texts navigator |
| Wylie |
267b1 ཅད་ཀུན།། ཧཱུཾ་ཞེས་བརྗོད་ནས་རང་ལ་བསྡུས།། འཇིག་རྟེན་ཁམས་ཀུན་མི་དམིགས་ཏེ།། ཡི་གེ་གསུམ་གྱི་རང་བཞིན་དུ།། ཐམས་ཅད་མ་ལུས་གསལ་བར་བྱས།། དེ་ནས་བཅོམ་ལྡན་མངོན་རྫོགས་སྐུ།། ཡེ་ཤེས་ལྔ
267b2 ལས་རབ་འབར་བའི།། མེ་དཔུང་ནང་ན་རབ་འཇིགས་བཞུགས།། སྣང་ལས་སྔགས་ཀྱིས་རབ་བསྐུལ་བས།། ཕྱག་རྒྱའི་དཀྱིལ་འཁོར་གསལ་བར་གྱུར།། རྟེན་དང་རྟེན་ཅན་དེ་བཞིན་ཏེ།། སྔགས་བཟླས་པ་ཡིས་དེ
267b3 ཉིད་གསལ།། ཨོཾ་ཧཱུཾ་ཧ་མ་ཕཊ་བྷྱོ་ཛ།། སྔགས་འདིས་བདེ་བའི་ལས་གསལ་ནས།། རྒྱན་དང་རོལ་མོ་ཐམས་ཅད་ཀྱིས།། བདེ་བའི་གནས་མཆོག་ཁྱད་པར་འཕགས།། ཙཀྲ་འཁོར་ལོ་ལས་བྱུང་བ།། གསེར་ལས་བྱས
267b4 པའི་འཁོར་ལོ་བཅུ།། གསང་ཆེན་རྫོགས་པའི་བདག་ཉིད་ནི།། ཐུགས་ཀྱི་ས་བོན་ལས་བྱུང་བ།། སྟོབས་དང་བཅས་པའི་དབང་བྱེད་པའི།། གཞི་ལ་འདུས་པའི་དངས་མ་རྣམས།། གསེར་གྱི་དམིག་པ་མགོ་དགུར
267b5 འགྱུར།། རྩ་བརྒྱད་ནང་ནས་མགོ་བརྒྱད་ཞུགས།། དབུས་ཀྱི་མགོ་ནི་སྲོག་རྩ་འཛིན།། སྟེང་དུ་འཕྲོས་པས་བཅུ་བདུན་ཏེ།། དེ་སྟེང་སུམ་ཅུ་རྩ་གསུམ་སྟེ།། འོག་ཏུ་འཕྲོས་པས་དྲུག་ཅུ་རྩ་ལྔ་སྟེ།། དེ་བས་འོག་རྣམས་ལྔ
267b6 ཡིན་ནོ།། འཕྲོ་འདུ་འདི་དག་ཐམས་ཅད་ཀྱང་།། མགོ་ལུས་སྣ་ཚོགས་པ་རུ་བརྟག། དྲེགས་པ་ཐམས་ཅད་བསྒྲལ་ནས་ནི།། ཀུན་རྫོབ་དོན་དམ་གཉིས་ལ་འགོད།། བདེན་གཉིས་ལས་རྣམས་འགྲུབ་པར
iiif viewer powered by OpenSeadragon
