| e-texts navigator |
| Wylie |
266a1 བྱེ་བྲག་བསྟན་ལགས་ན།། ཕྲག་དོག་དབང་གྱུར་སེམས་ཅན་རྣམས།། འདི་ལ་ནན་ཏན་ཇི་ལྟར་སྒྲོལ།། བཅོམ་ལྡན་འདས་ཀྱིས་ལུང་བསྟན་གསོལ།། ཕྲག་དོག་སེམས་ཅན་དོན་ཕྱིར་དུ།། ཁྱོད་ཀྱིས
266a2 ཞུས་པ་རབ་ཏུ་ལེགས།། ང་ཡིས་བཤད་ཀྱིས་གུས་པར་ཉོན།། དངོས་ལ་གནས་ཤིང་ཚོར་མེད་པས།། དེ་ཡི་འབྲས་བུ་ལེན་པ་མེད།། ལོག་པའི་སེམས་ཅན་ཕྲག་དོག་དེ།། སྤངས་པས་འབྲས་བུ་འབྱུང་མི
266a3 འགྱུར།། སྤྱད་པས་ཆོས་ཉིད་དོན་གསལ་འགྱུར།། ཕྲག་དོག་ཅན་གྱི་སེམས་ཅན་དེ།། ངའོ་སྙམ་པའི་སེམས་འཆང་ཞིང་།། གཞན་པས་ལྷག་པའི་སྟོབས་སྙེམས་པ།། དེ་ཡིས་ལོག་པའི་ལམ་བསྟན་ཏེ།། སྤངས་པས
266a4 བདེན་པའི་ཚིག་མི་རྙེད།། སྤྱད་པས་གསང་བའི་གསང་དོན་དང་།། སྦས་པའི་དོན་ཉིད་མ་བཅིངས་པས།། གབ་པའི་མཆོག་ཉིད་དེས་རྙེད་འགྱུར།། གཞན་ལ་ཕྲག་དོག་དབང་བསྒྱུར་ནས།། ཞེན་པའི་ཚིག་གིས
266a5 གཞན་དོན་འགེགས།། དེ་ཡི་འབྲས་བུ་ལོག་སྙེད་ཀྱི།། དེ་ལས་བདེན་པའི་ཚིག་མི་འབྱུང་།། སྤངས་པས་མུ་སྟེགས་ལམ་དུ་འགྲོ།། སྤྱད་པས་ཕྲག་དོག་ཆེན་པོ་ཡིས།། དོན་ལ་མ་ལུས་དེ་གནས་ཏེ།། རྟོག་མེད་བདེ་བའི
266a6 ལམ་ལ་གནས།། ཡེ་ཤེས་ཆེན་པོར་དེ་གནས་འགྱུར།། དེ་ཡི་དོན་ཉིད་བཤད་བྱ་བ།། རྩ་བ་བརྒྱད་ནི་སྙིང་པོའི་མཆོག། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ།། འཁོར་བ་རྣམ་གྲོལ་བྱང་ཆུབ་སེམས།། འདི་ལྟར་སྣང་བའི་ཆོས་ཉིད
iiif viewer powered by OpenSeadragon
