| e-texts navigator |
| Wylie |
263a1 མ་རགས་དང་།། དེ་འདྲའི་དོན་ཆེན་མ་མཐོང་སྟེ།། ཉོན་མོངས་ལྔ་ཡི་དྲི་མར་གསོ།། དེ་ལན་ཕྱིར་ན་འཁོར་ལོ་སྦྱར།། དེང་གདེང་ན་ཕྱིར་ཡེ་ཤེས་ཀྱི།། བྱེ་བྲག་རྣམ་གསུམ་གསུངས་པ་ཡིན།། དེ་ལ
263a2 དབང་བསྒྱུར་ཁྱད་པར་དུ།། ཐབས་མཆོག་དམ་པའི་རང་བཞིན་གྱིས།། གནས་ནས་དབང་བྱས་དེ་མཐོང་ཚེ།། རང་གི་ཡེ་ཤེས་ལེན་ཞེས་བྱ།། སྐུ་གསུང་ཐུགས་ཀྱི་རྒྱ་རུ་བསྟན།། ཕྱི་ནང་གསང་བ་དེ་ཤེས་བྱ།། གསང
263a3 ཆེན་དང་ནི་ཡང་གསང་གཏེར།། དེ་དག་རིམ་པར་ཤེས་པར་བྱ།། ཡེ་ཤེས་མཆོག་གྱུར་དམ་པ་ལ།། རང་གི་རང་བཞིན་དེ་བཞིན་ཏེ།། བདེན་པའི་སྙིང་པོ་རང་བཞིན་ལས།། ཡང་དག་དོན་དུ་མཁས་པས
263a4 བརྟག། གསུང་བའི་རྒྱ་རུ་འདི་ལུང་བསྟན།། རྡོ་རྗེ་ཕུར་པའི་ལེའུ་སྟེ་གསུམ་པའོ།། །། དེ་ནས་སྟོན་པ་ཀུན་བཟང་ལ།། རྡོ་རྗེ་ཆོས་ཀྱིས་འདི་སྐད་ཞུས།། ཨེ་མ་ཧོ།། ཐམས་ཅད་དག་མཆོག་ཁྱད་པར
263a5 ཅན།། དོན་རྣམས་མ་ལུས་གསུངས་ལགས་ན།། འདི་དོན་འཇུག་འཚལ་རྣལ་འབྱོར་ཏེ།། དུག་ལྔ་དུག་གསུམ་དབང་གིས་ན།། ཞེ་སྡང་དོན་རྣམས་བསྟན་ལགས་ན།། ང་རྒྱལ་བསྒྲལ་བ་ཇི་ལྟར་ལགས།། བཅོམ་ལྡན
263a6 བདག་ལ་བཀའ་དྲིན་གསུངས།། འཇམ་དཔལ་གཤེད་པོ་ཁྱོད་ཀྱིས་ནི།། དུག་ལྔ་བསྒྲལ་དོན་ཞུ་བ་ལེགས།། སོ་སོའི་བྱེ་བྲག་ཁྱོད་ལ་བསྟན།། ང་རྒྱལ་དུག་གིས་ཁེངས་པ་རྣམས།། སྤངས་ནས་བསྒྲལ་དོན་རྙེད་པ
iiif viewer powered by OpenSeadragon
