| e-texts navigator |
| Wylie |
261b1 བཀོད་གཡས་སུ་ཡ།། གཡོན་དུ་ར་བཀོད་དབུས་སུ་ཕཊ།། འོག་ཏུ་ནརྀ་བཀོད་གཡས་སུ་ཛ།། གཡོན་དུ་བྷྱོ་བཀོད་སྟེང་འོག་རྦད་ཀྱང་དགོད།། དེ་ཡིས་ལས་རྣམས་འགྲུབ་པར་ངས་ལུང་བསྟན།། དང་པོར་ཀཱི་ལ་ཡ་སྟེ
261b2 འབྲུ་དགུ་ནི།། འབུམ་ཕྲག་དྲུག་ཏུ་བཟླས་པར་བྱའོ།། ཉི་ཁྲི་གསུམ་སྟེ་དྲུག་ཡིན་ནོ།། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། དོན་དམ་སྙིང་པོ་ཡོངས་སུ་གྲུབ་པའི་ཚེ།། བཟླས་དང་མ་བཟླས་ཚིག་གི་ཐ་སྙད་ཡིན།། དེ་ནས
261b3 རང་བྱུང་བཟླས་པ་ཆེན་པོ་ནི།། ངོ་བོ་ཉིད་ཀྱི་སྔགས་ཀྱི་རང་བཞིན་ནོ།། དེ་འདྲའི་བཟླས་པ་དོན་གྱི་སྙིང་པོ་ནི།། མ་བཅོས་རང་བྱུང་སྙིང་པོའི་སྔགས་ཡིན་ཏེ།། ཟབ་མོའི་བཟླས་པ་ཡིན་ཞེས་རྒྱ་རུ་བསྟན།། རང་བཞིན
261b4 ལྷན་ཅིག་སྐྱེས་པའི་རང་བཞིན་ལས།། མཱ་ར་ཡ་ཡི་བཟླས་པ་བྱ་བ་སྟེ།། བཟླས་པ་མཐར་ཕྱིན་བྱ།། འདི་འདྲའི་བཟླས་པ་ཡེ་ཤེས་མཆོག་ཏུ་འཕགས།། གསང་བའི་བཟླས་པ་ཞེས་ནི་རྒྱ་རུ་བསྟན།། དངས་མ་འདུས
261b5 པའི་ངོ་བོ་ལས།། འོད་འབར་ཡེ་ཤེས་རབ་བསྐུལ་བས།། ཁྲག་གི་དམིག་བུ་མགོ་དགུ་དག་ཏུ་གསལ།། དབུས་ནི་མགོ་ནི་དབུས་ཀྱི་སྲོག་རྩ་འཛིན།། རྩ་བརྒྱད་ནང་ནས་མགོ་བརྒྱད་ཞུགས་ནས་ནི།། ཡུལ་བརྒྱད
261b6 གནས་བརྒྱད་དག་ལ་སྟོབ་པར་བྱེད།། ཉི་མའི་སྙིང་པོ་བཞིན་དུ་འཚེར་ཞིང་གསལ།། བརྗོད་པ་ཀུན་ལས་འདས་པའི་སྙིང་པོ་ཡིན།། སྟེང་སྒོར་འབར་བས་དམིག་བུ་བཅུ་དྲུག་འགྱུར།། དེ་སྟེང་དམིག་བུ་སུམ་ཅུ་རྩ
iiif viewer powered by OpenSeadragon
