| e-texts navigator |
| Wylie |
258a1 ཟེར་ལྔ་ཡིས་འཁྲིགས།། རྒྱལ་མཚན་བཞི་ཡིས་རབ་ཏུ་མཛེས།། འབར་བའི་འཕན་གྱིས་ཕྱོགས་བཅུར་འཁྲིགས།། རབ་ཏུ་ཟླུམ་པའི་དཀྱིལ་འཁོར་ལ།། སྒོ་དྲུག་དག་གིས་རབ་ཏུ་བརྒྱན།། གདོད་ནས
258a2 དག་པའི་འཁོར་ལོས་འཁྲིགས།། རྣམ་དག་རྒྱན་ནི་མཛེས་པས་བརྒྱན།། འབྱུང་འཇུག་གནས་པ་ཀུན་གྱི་ཞལ།། དུས་གསུམ་བདེ་གཤེགས་སྲས་བཅས་གནས།། ཞེས་གསུངས་སོ།། ཆོས་ཐམས་ཅད་འོད་རྣམ་པར
258a3 གསལ་བ་ཞེས་བྱ་བ་ལ་གནས་པར་གྱུར་ཏོ།། ཆེད་དུ་བརྗོད་པའི་གླུ་འདི་གསུངས་སོ།། ཧཱུཾ་ང་ནི་བཅོམ་ལྡན་ཡེ་ཤེས་མཆོག། དུས་གསུམ་སངས་རྒྱས་ཀུན་གྱི་ཡབ།། ཁམས་གསུམ་ཀུན་གྱི་འབྱུང་གནས་གཙོ།། བདེ
258a4 བར་གཤེགས་པའི་གཤེགས་ཤུལ་གནས།། ཤིན་ཏུ་གནས་པའི་ཏིང་འཛིན་ཅན།། བརྗོད་བྲལ་བརྗོད་མེད་དེ་ཉིད་གསུངས།། ཐབས་དང་ཤེས་རབ་ལས་བྱུང་འོད།། གཉིས་མེད་བྱང་ཆུབ་སེམས་ཀྱིས་བཞུགས།། ཧཱུཾ
258a5 ཨ་ཧཾ། ཞེས་བརྗོད་དེ་ཕོ་བྲང་ཆེན་པོའི་དབུས་སུ་བཞུགས་སོ།། འཇིག་རྟེན་གསུམ་གྱི་ཤེས་པ་བསྒྲལ་བའི་རྒྱུད་ལས། མི་རྒྱ་ཆེན་པོའི་གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དཔལ་རྡོ་རྗེ
258a6 སེམས་དཔས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། ཨེ་མ་ཧོ།། བཅོམ་ལྡན་གསང་བའི་བདག་ཉིད་ཆེ།། ཁམས་གསུམ་ཀུན་གྱི་གཉེན་གཅིག་པོ།། ཉོན་མོངས་དྲ་བ་ལྔ་གཅོད་བདག། ཡེ་ཤེས་ལྔ་ཡི
iiif viewer powered by OpenSeadragon
