| e-texts navigator |
| Wylie |
257a1 ཚེ་ཆོས་ཐམས་ཅད་རོལ་པ་ཆེན་པོའི་ཏིང་ངེ་འཛིན་ལ་གནས་པར་གྱུར་ཏོ།། དེ་ནས་རོལ་པའི་བདག་ཉིད་མས་གླུ་འདིས་བསྐུལ་ལོ།། ཨེ་མ་ཧོ།། སྐྱོན་གྱིས་མ་གོས་པདྨ་རཱ་གའི་མདོག། ཐམས་ཅད་རྒྱན
257a2 གྱིས་མ་ལུས་ཡོངས་སུ་བརྒྱན།། བསྲུང་མེད་བདེ་བ་ཆེན་པོའི་བྱང་ཆུབ་སེམས།། ཡེ་ནས་རྣམ་དག་ཆུ་བོའི་རྒྱུན་བཞིན་འབབ། ཧོཿཐམས་ཅད་དྲི་མ་དང་བྲལ་བའི་ཏིང་ངེ་འཛིན་ལ་གནས་པར་གྱུར་ཏོ།། དེའི་ཚེ
257a3 ཆོས་ཐམས་ཅད་དྲི་མ་མེད་པའི་རང་བཞིན་དུ་གསལ་བར་གྱུར་ཏོ།། དེ་ནས་ཡང་རབ་ཏུ་མཛེས་མས་གླུ་འདིས་བསྐུལ་ལོ།། ཨེ་མ་ཧོ།། རབ་ཏུ་གསང་བའི་བྱང་ཆུབ་སེམས།། ཀུན་གྱི་བདག་ཉིད་ཀུན་གྱི་དངོས།། རབ
257a4 ཏུ་བརྟག་དཀའ་ཀུན་གྱི་རྒྱུ།། ཀུན་གྱི་འབྱུང་གནས་ཆེན་པོ་ཡིན།། ཧོཿབྱང་ཆུབ་སེམས་ཀྱི་ཏིང་ངེ་འཛིན་ལ་གནས་པར་གྱུར་ཏོ།། དེའི་ཚེ་ཆོས་ཐམས་ཅད་བྱང་ཆུབ་སེམས་ཀྱི་རོལ་པ་ཆེན་པོར་གྱུར་ཏོ།། དེ་ནས་ཡང
257a5 ཡུམ་གྱིས་བྱང་ཆུབ་སེམས་ཀྱི་གླུ་འདིས་བསྐུལ་ལོ།། ཨེ་མ་ཧོ།། གསང་བ་རོལ་པ་དུར་ཁྲོད་གནས།། རོལ་པར་མཁའ་འགྲོ་ཐམས་ཅད་བཞུགས་པའི་གནས།། མ་བཅོས་ལྷུན་གྱིས་གྲུབ་པའི་གཞལ་ཡས་ཁང་།། དེ
257a6 འདྲ་བཅོམ་ལྡན་བདེ་ཆེན་ཆགས་པའི་གནས། ཧོཿབདེ་བ་ཆེན་པོ་རོལ་པ་ལ་ཆགས་པའི་རང་བཞིན་ཅན་དུ་གྱུར་ཏོ།། ཐབས་དང་ཤེས་རབ་གཉིས་སུ་མེད་པ་ལས་གསང་བ་འདི་གསུངས་སོ།། ཨེ་མ་ཧོ་གསང་བའི
iiif viewer powered by OpenSeadragon
