| e-texts navigator |
| Wylie |
256b1 ནས། སོ་སོའི་སྐུའི་བྱེ་བྲག་ཏུ་རྣམ་པར་གསལ་བར་གྱུར་ཏོ།། དེའི་ཚེ་ཆོས་ཐམས་ཅད་དྲི་མ་དང་བྲལ་བའི་ངང་དུ་གསལ་ལོ།། དེ་ནས་ཡང་ཡུམ་དམ་ཚིག་སྒྲོལ་མས་གླུ་འདིས་བསྐུལ་ལོ།། ཨེ་མ་ཧོ།། མ་བསྒྲིབས
256b2 གསལ་ཞིང་དྲི་མ་རྣམས་དང་བྲལ།། ཡོངས་སུ་རྫོགས་པའི་སྐུ་ནི་སྣ་ཚོགས་འབྱིན།། སེམས་ཀྱི་དེ་ཉིད་མ་འགགས་གསལ་བའི་འོད།། སོ་སོའི་ལམ་རྣམས་བདག་ལ་བསྟན་དུ་གསོལ།། ཧོཿབསྐུལ་བར་མཁྱེན་ནས།།
256b3 སོ་སོའི་སྐུའི་བྱེ་བྲག་ཏུ་གསལ་བར་མཛད་དོ།། དེ་ནས་ཡུམ་སངས་རྒྱས་སྤྱན་གྱིས་རྣམ་པར་མཛེས་པའི་སྤྱན་གྱིས་མི་གཡོ་བར་གཟིགས་ཏེ། རྨད་དུ་བྱུང་བའི་མཆོད་པ་སྣ་ཚོགས་པས་མཆོད་དེ། གླུ་འདིས་བསྐུལ་ལོ།།
256b4 ཨ་ཧོ་ཧཾ་ཨི་མང་གུ་ཨ་རཱ་ག་མི་ཧཱུཾ་ཐ་ཧ་ཐ། ཞེས་རྣམ་པར་བསྐུལ་བས། རོལ་པའི་སྐུ་ཚུལ་རྣམ་པ་བཞི་དང་ལྡན་ཞིང་ཡེ་ཤེས་ཀྱི་རང་བཞིན་སངས་རྒྱས་ཡབ་ཡུམ་སྲས་དང་བཅས་པ་གཟིགས་པས་གཟིགས་པར་གྱུར
256b5 ཏོ།། དེ་ནས་ཡང་ཨོཾ་ཨཱཿཧཱུཾ་ཞེས་བརྗོད་པས། འཁོར་ཇི་སྙེད་པ་ཐམས་ཅད་ཉིད་ཀྱི་སྐུ་ལ་བསྡུ་བར་མཛད་དོ།། དེ་ནས་ཡང་ཡུམ་ཀུན་ཏུ་བཟང་མོས་གླུ་འདིས་བསྐུལ་ལོ།། ཨེ་མ་ཧོ།། ཡེ་ནས་རྣམ་པར་དག་པའི
256b6 དབྱིངས།། ཡེ་ཤེས་ཆེན་པོའི་ངང་ཉིད་ཅན།། འོད་དང་བཅས་པའི་གཞལ་ཡས་སུ།། བདུད་རྩི་ག་པུར་གནས་པར་མཛོད། ཧོཿབསྐུལ་བར་མཁྱེན་ནས། རོལ་པ་ཆེན་པོའི་ཏིང་ངེ་འཛིན་ལ་གནས་པར་གྱུར་ཏོ།། དེའི
iiif viewer powered by OpenSeadragon
