| e-texts navigator |
| Wylie |
254b1 འདས་པའི་ས། ཕྱི་དང་ནང་མེད་པར་ཕྱོགས་བཅུར་འཁྲིགས་ཤིང་། རྣམ་པར་དག་པས་ཁུམས་པ། ཐོག་མ་དང་ཐ་མ་མེད་པར་ཡེ་ནས་རང་བྱུང་གི་གནས་ན། བྱེ་བྲག་གི་རྣམ་པ་ཅན་དུ་བཞུགས་སོ།། རྒྱལ་བ་སངས
254b2 རྒྱས་རྣལ་འབྱོར་གྱི་དབང་ཕྱུག་ཆེན་པོ།། མཚན་དང་དཔེ་བྱད་ཀྱིས་བརྒྱན་པ། ནམ་མཁའི་མཐའ་ཀླས་པ་དང་། རྣལ་འབྱོར་མ་ཆེན་མོ། ལོངས་སྤྱོད་ཡོངས་སུ་རྫོགས་པའི་བདག་ཉིད་མ་རྣམས་དང་། རྣལ་འབྱོར་ཆེན
254b3 པོའི་ཐ་སྙད་ཐམས་ཅད་དང་ལྡན་པ། བཙུན་མོ་ཡོངས་སུ་གྲུབ་པའི་བདག་ཉིད་དང་། ཐམས་ཅད་འབྱུང་བའི་གཞི་དང་ལྡན་པ་དང་། ཧེ་རུ་ཀ་རོལ་པའི་ཚོགས། དཔེ་བྱད་ཐམས་ཅད་ཀྱི་ངོ་བོ། ཡོངས་སུ་གྲུབ་པའི
254b4 བདག་ཉིད་ཆེན་པོ་དང་། གཞན་ཡང་རྐྱེན་ལས་སྤྲུལ་པའི་སྲས་ཀྱི་ཚོགས། གྲངས་མེད་ཅིང་བརྗོད་དུ་མེད་པ་རྣམས་དང་། རིགས་པ་ལས་ཀྱི་མེད་པའི་སྲས་ཀྱི་ཚོགས་རྣམས། རྣལ་འབྱོར་མའི་ཚོགས་རྣམས
254b5 དང་། ཐབས་ཡོངས་སུ་སྒྲུབ་པའི་འཁོར་རྣམས་ཀྱང་། བཅོམ་ལྡན་འདས་དང་ཐབས་ཅིག་ཏུ་མཚན་མ་ལ་སོགས་པས་སྙེམས་པ་མི་མངའ་བར་བཞུགས་པ་ནི། ཉུང་འབྲུ་སྣུམ་གྱིས་གང་བ་བཞིན་དུ་ཀུན་ཏུ་གང་ཞིང
254b6 ཁྱབ་ནས་བཞུགས་སོ།། ཉིད་ཀྱི་བཙུན་མོ་ཡང་ཉིད་ཀྱི་སྐུ་ལ་དགྱེས་པའི་ཚུལ་གྱིས་འཁྲིལ་ཏེ། བྱང་ཆུབ་སེམས་ཀྱི་ངོ་བོར་ཐམས་ཅད་སྙེམས་པ་མི་མངའ་བར་འདུ་མཛད་དེ།། འཁོར་དུ་འདུས་པའི་ཚོགས་དེ་ཉིད་ལ།
iiif viewer powered by OpenSeadragon
