| e-texts navigator |
| Wylie |
254a1 མཚོ་ཆེན་པོ་སྐམ་པའི་མེ་ཆེན་པོ།། རླུང་ཆེན་པོ་ཞི་བར་བྱེད་པའི་བདག་ཉིད། རང་བཞིན་གྱིས་འོད་གསལ་བ་ཀུན་ལ་ཁྱབ་པར་བྱེད་པ།། གང་ལ་ཡང་འགག་པ་མེད་པའི་ཕྲིན་ལས་ཀུན་ཏུ་འདུལ་བར
254a2 བྱེད་པ། སྐུ་གསུང་ཐུགས་ཀྱི་ས་ཉིད་དོ།། མི་སྲུང་བསྲུང་བ་མེད་པའི་དམ་ཚིག་ཆེན་པོ། ཕྱོགས་བཅུ་དུས་གསུམ་གྱི་ཆོས་མ་ལུས་པའི་བདག་ཉིད། འཇིག་རྟེན་ཁམས་ན་རྫུ་འཕྲུལ་རྣམ་པ་སྣ་ཚོགས་པ་སྤྲུལ་པའི་མངའ
254a3 བདག། མི་མཐུན་པའི་ཕྱོགས་ཐམས་ཅད་ཡོངས་སུ་འདུལ་བར་མཛད་པའི་རྒྱལ་པོ། ཐབས་དང་ཐབས་ལས་བྱུང་བ་ཡོངས་སུ་སྨིན་པར་མཛད་པའི་ཞིང་ས། སྟོབས་དང་སྟོབས་ཀྱིས་ཡོངས་སུ་སྒྲོལ་བའི་གྲུ་ཆེན་པོ།།
254a4 ཉམས་པ་ཐམས་ཅད་སྐོང་བའི་མངའ་བདག། མཚན་མ་ཐམས་ཅད་འཇོམས་པའི་རྡོ་རྗེ་མེད་པ་ལས་ཟློག་པའི་བདག་ཉིད་ཆེན་པོ། ཡོངས་སུ་གྲུབ་ཅིང་རྣམ་པར་དག་པ་ལ་མངའ་བརྙེས་པ་ནི། འོག་མིན་གྱི་གནས་ན
254a5 སྐུ་དང་གསུང་དང་ཐུགས་གསང་བ་མཆོག་གི་གནས་དཀྱིལ་འཁོར་ཆེན་པོ་ཡོངས་སུ་གྲུབ་པའི་བཙུན་མོའི་བྷ་ག་ཕོ་བྲང་ལྷུན་གྱིས་གྲུབ་པ། དུར་ཁྲོད་ཀྱི་གཞལ་ཡས་ཁང་བརྩེགས་མ་པདྨ་སྣ་ཚོགས་པས་སྟེང་དང་འོག
254a6 ཏུ་བརྒྱན་པ། དབྱིབས་སྣ་ཚོགས་དང་། ཁ་དོག་སྣ་ཚོགས་དང་། འདོད་པའི་ཡོན་ཏན་རྣམ་པ་ལྔ་དང་། རིན་པོ་ཆེ་རྣམ་པ་སྣ་ཚོགས་པའི་རྒྱན་གྱིས་འཁྲིགས་པ། ཡེ་ནས་རྣམ་པར་དག་པའི་རྒྱན། དཔེ་དང་ཚད་ལས
iiif viewer powered by OpenSeadragon
