| e-texts navigator |
| Wylie |
253b1 འབུལ་ཞིང་དམ་ཚིག་བསྐང་།། རྡོ་རྗེའི་ས་ལ་གནས་ཀྱི་བར།། རང་གི་ཡི་དམ་རྒྱུན་དུ་བསྒོམ།། སྤྱོད་ལམ་བཀའ་ཡི་གཞུང་བཞིན་བྱ།། སྣང་སྟོང་གཉིས་སུ་མེད་པར་བསྒོམ།། ངན་སྔགས་གཙུག་ལག་གི་རྒྱུད་ལས།།
253b2 རྫས་དང་སྔགས་དང་ཏིང་ངེ་འཛིན་གསུམ་གྱི་བསྒོམ་བསྒྲུབ་དང་། ཕྲིན་ལས་ཉམས་སུ་བླང་བའི་ལེའུ་སྟེ་བརྒྱད་པའོ།། །། ངན་སྔགས་གཙུག་ལག་གི་རྒྱུད་ཕྱི་མའི་ཡང་ཕྱི་མ་རྫོགས་སོ།། །།
253b3 #།། རྒྱ་གར་སྐད་དུ། ཏྲི་ལོ་ཀ་བི་ད་ར་ཏནྟྲ། བོད་སྐད་དུ། འཇིག་རྟེན་གསུམ་གྱི་ཤེས་པ་བསྒྲལ་བའི་རྒྱུད། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཟོས་པའི་དུས
253b4 གཅིག་ན། བཅོམ་ལྡན་འདས་གསང་བ་གསུམ་གྱི་བདག་པོ་གཉིས་སུ་མེད་པའི་ཐིག་ལེ་འོད་ཟེར་ཁ་དོག་སྣ་ཚོགས་པས་འཁྲིགས་པ།། སྐུ་རྡོ་རྗེ་ཕྱོགས་བཅུའི་དེ་བཞིན་གཤེགས་པའི་སྐུ་རྣམ་པར་དག་པའི་བདག
253b5 ཉིད། པདྨོ་ཆེན་པོ་ལས་ཡོངས་སུ་གྲུབ་པའི་འབྲས་བུ་དང་བཅས་པའི་གསུང་དྲི་མ་མེད་པའི་རྣམ་པར་དག་པའི་རྡོ་རྗེ་ཡོངས་སུ་འཛིན་པ། ཏིང་ངེ་འཛིན་ལ་མངའ་བརྙེས་པའི་ཐུགས་རང་བཞིན་ལྷན་ཅིག་ཡོངས་སུ
253b6 གྲུབ་པའི་ཡིད་བཞིན་གྱི་ནོར་བུ་རིན་པོ་ཆེ། ཡོན་ཏན་ཀུན་གྱིས་བརྒྱན་པའི་རྒྱལ་པོ་རྨོངས་པས་ལྡོངས་པའི་ལམ་མཁན་ཆེན་པོ།། གཏི་མུག་གི་མུན་པ་སེལ་བའི་སྒྲོན་མ། ཤིན་ཏུ་སྲ་བའི་བྲག་འཇོམས་པའི་རྡོ་རྗེ། རྒྱ
iiif viewer powered by OpenSeadragon
