| e-texts navigator |
| Wylie |
253a1 ལ།། ལས་ཀྱི་བཟླས་པ་གང་འདོད་བྱ།། བདག་ཉིད་ཡི་དམ་ལྷ་བསྒོམ་བྱ།། སྔགས་ཀྱི་འོད་ཟེར་འཕྲོ་འདུ་ཡིས།། སྔགས་བདག་དམ་ཅན་རྒྱུད་བསྐུལ་བས།། ཇི་ལྟར་འདོད་པའི་ལས་རྣམས
253a2 ནི།། ཐོགས་པ་མེད་པར་བྱ་བར་བསྒོམ།། ཞི་དང་རྒྱས་པའི་ཕྲིན་ལས་དང་།། དབང་གི་ལས་དང་རྣམ་པ་གསུམ།། ལས་གཞུག་སྦྱིན་སྲེག་དག་གིས་གཅད།། དྲག་པོའི་ལས་ནི་ཐམས་ཅད་ཀྱི།། ལས་གཞུག་གཅོད
253a3 པའི་རིམ་པ་ནི།། སྲེག་དང་ཟོར་དང་མནན་པས་གཅད།། གལ་ཏེ་བསོད་ནམས་ཆུང་འགྱུར་བའི།། སྔགས་པས་ཕྲིན་ལས་མ་གྲུབ་ན།། སྔོན་དུ་བསོད་ནམས་ཚོགས་བསག་བྱ།། དེ་ནས་བསྙེན་བསྒྲུབ་གཞུང་བཞིན
253a4 བྱ།། དེ་ནས་ཕྲིན་ལས་ལན་གསུམ་སྤོགས།། ལས་གཞུང་སྔ་མ་ཇི་བཞིན་བྱ།། དེས་ཀྱང་གྲུབ་པར་མ་གྱུར་ན།། སྔོན་དུ་འགྲོ་བ་ཀུན་བྱས་ལ།། དམ་ཅན་གནད་ལ་དབབ་པར་བྱ།། བཟློག་ཅིང་གསད་པར་བྱ་བ
253a5 དང་།། དཀྲུག་ཅིང་གསད་པར་བྱ་བ་དང་།། གཟིར་ཅིང་གསང་བའི་ལས་རྣམས་བྱའོ།། དེ་ནས་སྔགས་པ་དམ་ཅན་དེས།། རང་ལ་བར་ཆོད་མི་ཚུགས་ཕྱིར།། རང་གི་ཡི་དམ་གང་བསྒོམ་པའི།། རྒྱུན་གྱི་ཏིང་འཛིན
253a6 བརྩོན་པར་བྱ།། ཐ་མལ་ལུས་སུ་མི་གསལ་ཞིང་།། སྣང་སྟོང་གཉིས་སུ་མེད་པར་བསྒོམ།། དེ་ནས་ལས་རྣམས་གྲུབ་པ་དང་།། འཇིག་རྟེན་འདས་དང་འཇིག་རྟེན་པའི།། སྔགས་བདག་སྲུང་མ་དམ་ཅན་ལ།། མཆོད་པ
iiif viewer powered by OpenSeadragon
