| e-texts navigator |
| Wylie |
252b1 དྲེགས་པའི་བསྙེན་བསྒྲུབ་གཉིས།། ཉམས་སུ་བླང་བའི་རིམ་པ་ནི།། རྣམ་པ་ལྔ་རུ་ཤེས་པར་བྱ།། ཕྱི་བསྒྲུབ་ནང་བསྒྲུབ་གསང་བསྒྲུབ་དང་།། གསང་ཆེན་བསྒྲུབ་པ་དག་དང་ནི།། ཡང་གསང་གཏེར་དུ་བསྒྲུབ་པ
252b2 ལྔ།། རྡུལ་ཚོན་དཀྱིལ་འཁོར་ཕྱི་བསྒྲུབ་བོ།། ལུས་ལ་ལྷ་བཀོད་ནང་བསྒྲུབ་བོ།། སྙིང་ལ་ལྷ་བཀོད་གསང་བསྒྲུབ་བོ།། རྩ་ལ་ལྷ་བཀོད་གསང་ཆེན་ནོ།། སེམས་ཉིད་ལ་བཀོད་ཡང་གསང་གཏེར།། སྔགས་དང་ཕྱག་རྒྱ
252b3 ཏིང་འཛིན་དང་།། ཆོ་ག་ལས་ཀྱི་རིམ་པ་རྣམས།། རང་གི་སྒྲུབ་ཐབས་གཞུང་བཞིན་བྱ།། ལས་ལ་སྦྱར་བའི་རིམ་པ་རྣམས།། རྫས་དང་སྔགས་དང་ཏིང་འཛིན་གྱིས།། སྦྱོར་བ་རྣམ་པ་གསུམ་གྱིས་ནི།། རྟེན་འབྲེལ
252b4 འཛོམ་པའི་ནུས་མཐུ་ཡིས།། ལས་རྣམས་འགྲུབ་པར་བྱེད་པའོ།། ལས་ཀྱི་དཀྱིལ་འཁོར་རྣམ་པ་བཞི།། ཞི་བ་ཟླུམ་པོ་དཀར་པོའོ།། རྒྱས་པ་གྲུ་བཞི་སེར་པོའོ།། དབང་ལ་ཟླ་གམ་དམར་པོའོ།། དྲག་པོ་གྲུ་གསུམ
252b5 མཐིང་ནག་གོ། རྟེན་དང་མཆོད་དང་ལས་ཀྱི་རྫས།། འཁོར་ལོ་བསྐོར་དང་ཐུན་གྱིས་རྫས།། ཉུང་དཀར་ཉུང་ནག་ཁྲག་དང་དུག། ལྕགས་ཕྱེ་ཟངས་ཕྱེ་རྡོ་ཕྱེ་དང་།། གནམ་ལྕགས་གྲི་ལྕགས་ཕུར་པ་དང་།། དུག་ཤིང
252b6 དག་གི་ཕུར་པས་གདབ།། གང་བྱེད་རང་གི་གཞུང་དང་སྦྱར།། ལས་མཁན་གང་ཡིན་སྲོག་སྙིང་དང་།། དམིགས་པ་གང་ཡིན་སྲོག་སྙིང་དང་།། ཕྲིན་ལས་གང་བྱེད་ལས་ཀྱི་སོ།། མཁས་པས་སྡེབ་ནི་ཤེས་བྱས
iiif viewer powered by OpenSeadragon
