| e-texts navigator |
| Wylie |
249b1 དཀྱིལ་དུ་བཞག། སྤེལ་བ་དུ་སྟི་དྲིལ་དང་སྤེལ།། མདའ་ལྟ་བུ་ཡི་ཏིང་འཛིན་གྱིས།། གོང་དུ་གཅིག་ཏུ་དྲིལ་བ་དང་།། གསེར་ཐོག་རྒྱལ་བའི་ཏིང་འཛིན་གྱིས།། དཀྱིལ་དུ་བཅུག་ལ་འཕང་བར་བྱ།། གང་འདོད་གནས
249b2 སུ་ཐེགས་པར་ངེས།། འདི་ཡི་དུས་ཚོད་བསྟན་པ་ཡང་།། བསྒྲུབ་པའི་དུས་ཚོད་རྟ་ལོ་དང་།། སྦྲུལ་གྱི་ལོ་གཉིས་དུས་ཡིན་ནོ།། ཟླ་བ་དུས་ཀྱི་ངེས་པ་ཡང་།། རྟ་དང་སྦྲུལ་གྱི་ཟླ་བའོ།། ཉི་མའི་དུས་ཀྱི་ངེས་པ་ཡང་།། རྟ
249b3 དང་སྦྲུལ་དུ་ངེས་པའོ།། འཇུག་པའི་དུས་ཚོད་བསྟན་པའོ།། ཐེབས་པའི་དུས་ཚོད་བསྟན་པ་ཡང་།། སྤེན་པ་ས་ཁམས་གསེར་གྱི་དུས།། ལྷག་པ་ཕུར་པ་རྡོ་རྗེའི་དུས།། མིག་དམར་ཉི་མ་མེ་ཁམས་ཟངས་དང
249b4 ལྕགས།། འདི་ལ་ལས་རྣམས་འགྲུབ་པར་གདོན་མི་ཟ།། གཤེད་མ་སྲོག་ལ་དབབ་པའི་དུས་ཚོད་བསྟན་པ་ནི།། རྡོ་རྗེ་ས་ཁམས་སྤེན་པའི་དུས་སུ་བརྡེག། གསེར་དངུལ་ཟངས་ལྕགས་མིག་དམར་དུས་སུ་བརྡེག། འཕྲོ
249b5 བྱེད་ལྕགས་ཀྱི་ཐོག་ནི་ཕུར་པའི་དུས་སུ་བརྡེག། འདི་ལ་ཟོར་བརྒྱབ་ཐེབས་པར་གདོན་མི་ཟ།། ནམ་མཁའ་ས་གཞི་བར་སྣང་ཁམས།། ཐམས་ཅད་ཡེ་ཤེས་མེ་དཔུང་འབར།། དུ་སྟི་དྲིལ་ཞེས་མི་ཐོག་མ་ཉེས་ཡོངས
249b6 ཀྱང་འཚིག། འདི་དང་ལྡན་ན་གཟས་པ་གདོན་མི་ཟ།། ངན་སྔགས་གཙུག་ལག་གི་རྒྱུད་ལས། ཐོག་གི་དེ་ཁོ་ན་ཉིད་བསྟན་པའི་ལེའུ་སྟེ་དྲུག་པའོ།། །། དེ་ནས་འཇམ་དཔལ་གཤིན་རྗེ་གཤེད་ཀྱིས། བཅོམ
iiif viewer powered by OpenSeadragon
