| e-texts navigator |
| Wylie |
248b1 འབེབས་ཞེས་ངེས་པར་རྒྱལ་བས་གསུངས།། སེར་བའི་དེ་ཁོ་ན་ཉིད་བསྟན་པའོ།། ངན་སྔགས་གཙུག་ལག་གི་རྒྱུད་ལས།། སེར་བའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ལ།།
248b2 འཕགས་པ་འཇམ་དཔལ་གྱིས་ཞུས་པ། ཀྱེ་མ་བདེ་གཤེགས་བཅོམ་ལྡན་འདས།། ཐོག་གི་དེ་ཉིད་བཤད་པར་ཞུ།། ཞེས་གསོལ་པ་དང་། ཀུན་ཏུ་བཟང་པོས་བཀའ་སྩལ་པ།། རྡོ་རྗེ་ཐོག་གི་རྣམ་པ་ནི།། ལོ་གྲངས
248b3 རྩིས་ཀྱིས་ཤེས་བྱ་སྟེ།། གང་ཞིག་རྟ་ཡི་ལོ་བྱུང་ན།། དྲག་པོ་སྔགས་ཀྱི་དངོས་གྲུབ་མྱུར།། སྦྲུལ་གྱི་ལོའང་དེ་བཞིན་ནོ།། གང་ཞིག་བྱི་བའི་དུས་ཀྱི་ཚེ།། དེ་ཚེ་འདི་བསྒྲུབ་མ་ཡིན་ཏེ།། ཕག་གི་ལོ་ཡང་དེ་བཞིན
248b4 ནོ།། འཇུག་ཏུ་མི་འདོད་དུས་བྱུང་ན།། རྟ་ཡི་ཟླ་བ་རྟ་ཡི་དུས།། སྦྲུལ་གྱི་ཟླ་བ་སྦྲུལ་གྱི་དུས།། ཉི་མའི་དུས་ཚོད་རྩིས་ལ་འཇུག། གར་འབེབས་ས་ཡི་ཚོད་དེར་ཡང་།། གཟེར་གདབ་པ་ཡང་དེ་བཞིན་ནོ།། གང་ཞིག
248b5 དངོས་གྲུབ་འབྱུང་བའི་ཚེ།། རྟ་ལོ་མིན་པའང་དེ་བཞིན་ནོ།། མིང་གི་རྣམ་པ་སོ་སོ་ཡང་།། ལས་ཀྱི་འབྲས་བུ་གཅིག་པ་ན།། དོན་གྱི་མན་ངག་གཅིག་ཡིན་ནོ།། ཐོག་ལ་དབྱེ་བ་རྣམ་པ་ལྔ།། དང་པོ་གསེར་གྱི་ཐོག་ཡིན
248b6 ཏེ།། གཉིས་པ་ལ་ནི་ལྕགས་ཐོག་གོ།། གསུམ་པ་ཟགས་ཐོག་ཡིན་པ་སྟེ།། བཞི་པ་འཁར་བའི་ཐོག་ཡིན་ནོ།། ལྔ་པ་ལ་ནི་རྡོ་རྗེའི་ཐོག། མདོར་ན་རྣམ་པ་ལྔ་རུ་གསུངས།། འདི་ཡི་རྫས་རྣམས་བསྟན་པ་ནི།། ཁྲག
iiif viewer powered by OpenSeadragon
