| e-texts navigator |
| Wylie |
247a1 པའི་སྔགས་སུ་ཤེས་པར་བྱའོ།། འདི་ཡི་ལས་སྔགས་རྣམ་པ་གསུམ།། རྣལ་མ་བཟློག་དང་ལྷོ་དཀྲུག་གསུམ།། ཤིན་ཏུ་གསང་བའི་འཁོར་ལོ་བསྐོར།། བཀའ་གསང་རྒུད་སྡེ་ཇི་སྐད་དུ།། གསུངས་པའི
247a2 སྔགས་རྣམས་ཐམས་ཅད་ལ།། འདི་བཞིན་ཀུན་ལ་ཤེས་པར་བྱའོ།། ངན་སྔགས་གཙུག་ལག་གི་རྒྱུད་ལས། འཇིག་རྟེན་ལས་འདས་པ་དང་འཇིག་རྟེན་པའི་སྔགས་ཀྱི་ཕྲེང་བ་བསྟན་པའི་ལེའུ་སྟེ་བཞི
247a3 པའོ།། །། དེ་ནས་འཕགས་པ་འཇམ་དཔལ་གདན་ལས་བཞེངས་ཏེ། ལག་པ་དང་། མགྲིན་པ་དང་། མགོ་བོ་དང་། རྐང་པ་དང་ཐམས་ཅད་ཀྱིས་གར་གྱི་བརྡ་སྣ་ཚོགས་པ་བྱས་ནས། བཅོམ་ལྡན་འདས་ཀུན
247a4 ཏུ་བཟང་པོ་ལ་གསོལ་པ། ཀྱེ་མ་བདེ་གཤེགས་བཅོམ་ལྡན་འདས།། སེར་བ་ཞེས་བྱ་བ་ཇི་ལྟར་ལགས།། ལོ་ཡི་ནད་ཅེས་ཇི་ལྟར་ལགས།། གློག་ཅེས་བྱ་བ་ཇི་ལྟ་བུ།། འབྱུང་བ་རླུང་ཞེས་ཇི་ལྟ་བུ། དེ་རྣམས་འབྱུང་བའི
247a5 དུས་རྣམས་སུ།། སེར་བ་འབྱུང་བ་ངེས་པ་ན།། དུས་ཀྱི་ཆར་པ་འབྱུང་བའི་ཚེ།། སེར་བ་མེད་པ་ཇི་ལྟར་ལགས།། མ་བསྒྲུབས་པར་ཡང་འབབ་གྱུར་ན།། བསྒྲུབ་ནས་ངེས་པ་ཇི་ལྟར་ལགས།། བཅོམ་ལྡན་བདག་ལ
247a6 བཀའ་དྲིན་གསུངས།། བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་འཇམ་དཔལ་ཁྱོད་ཉོན་ཅིག། མ་འོངས་རྣམས་ཀྱི་དོན་ཕྱིར་དུ།། ང་ཡིས་ཁྱོད་ལ་ལེགས་པར་བཤད།། སེར་བ་ཞེས་བྱ་དེ་ཉིད་ནི།། སྔགས
iiif viewer powered by OpenSeadragon
