| e-texts navigator |
| Wylie |
243b1 སངས་རྒྱས་ཐམས་ཅད་ཀྱི།། ཕྲིན་ལས་སྙིང་པོ་ཡིན་པར་བཤད།། བྱ་ཁྱུང་རྒྱལ་པོའི་སྙིང་པོ་ནི།། ཕྱོགས་བཅུའི་སངས་རྒྱས་ཐམས་ཅད་ཀྱི།། ཕྲིན་ལས་སྙིང་པོ་ཡིན་པར་བཤད།། སྐུ་གསུང་ཐུགས་དང་ཡོན་ཏན
243b2 དང་།། ཕྲིན་ལས་དག་དང་ལྔ་རྣམས་ནི།། རེ་རེ་ལ་ཡང་ལྔ་ལྔ་སྟེ།། སྐུ་ལ་ལྔ་སྟེ་གསུང་ལ་ལྔ།། ཐུགས་ལ་ལྔ་སྟེ་ཡོན་ཏན་ལྔ།། ཕྲིན་ལས་དག་ལ་ལྔ་རུ་བཤད།། ཁྱད་པར་ཐབས་ནི་གསང་བས་ཏེ།། སྔགས་ནི་ཐམས
243b3 ཅད་འགྲུབ་པར་བྱེད།། རིག་པ་སེམས་ཀྱི་རང་བཞིན་ཏེ།། ལས་ལ་སྔགས་པས་སྔགས་ཞེས་བྱ།། ཁྱད་པར་ཐམས་ཅད་གསང་བ་སྟེ།། སྔགས་ནི་ཐམས་ཅད་འགྲུབ་པར་བྱེད།། སེམས་ཀྱི་དྲན་པས་བཟུང་བ་སྟེ།། ཀུན
243b4 ལ་བསྔགས་པས་སྔགས་ཞེས་བྱ།། རིག་པ་སེམས་ཀྱི་ཐིག་ལེ་སྟེ།། ལེན་པའི་ཕྱིར་ན་སྙིང་པོར་བཤད།། སྣང་བ་སྐུ་ཡི་རང་བཞིན་ལ།། བསྒྱུར་བའི་ཕྱིར་ན་ཕྱག་རྒྱའོ།། དེ་བཞིན་གཤེགས་པ་ཐམས་ཅད་ཀྱི།། གསང
243b5 བ་སྔགས་ཀྱི་སྙིང་པོ་ལ།། སྲོག་ཅེས་བྱ་བའི་མིང་ཡང་མེད།། གསང་བ་སྲོག་གི་སྙིང་པོ་ནི།། མི་རྟག་ཆོས་ཅན་ཡིན་པའི་ཕྱིར།། འཇིག་རྟེན་པ་ལ་གནས་པའོ།། གསང་བ་སྔགས་ཀྱི་སྙིང་པོ་ནི།། འཇིག་རྟེན་འདས་དང
243b6 འཇིག་རྟེན་པ།། ཐམས་ཅད་ཀུན་ལ་གནས་པར་བཤད།། ངན་སྔགས་གཙུག་ལག་གི་རྒྱུད་ཕྱི་མ་ལས། སྐུ་གསུང་ཐུགས་ཡོན་ཏན་ཕྲིན་ལས་རྣམ་པ་ལྔ་དང་། གསང་སྔགས་དང་། རིག་སྔགས་དང་། གཟུགས་སྔགས
iiif viewer powered by OpenSeadragon
