| e-texts navigator |
| Wylie |
243a1 ལྔ་རྫོགས་དབུ་རུ་གཞག། ཀ་ཚན་ཡི་གེ་གསུམ་པ་གཞག། ཡ་ཚན་ཡི་གེ་གསུམ་པ་གཞག། དེ་ལ་དབྱངས་ཡིག་ལྔ་པས་བརྒྱན།། ཊ་ཚན་ཡི་གེ་གསུམ་པ་གཞག། ཤ་ཚན་ཡི་གེ་བཞི་པ་གཞག། དེ་ལ
243a2 དབྱངས་ཡིག་དྲུག་པས་བརྒྱན།། སྟེང་དུ་ཐིག་ལེས་མཛེས་པར་བྱ།། ཡ་ཚན་ཡི་གེ་གཉིས་པ་གཞག། དེ་དང་ཊ་ཚན་དང་པོར་ལྡན།། རིན་པོ་ཆེ་ཡི་ཕྲ་ཡིས་གཅད།། ཨོཾ་ག་རུ་ཌ་ཧཱུཾ་ཕཊ། གསང་སྔགས་ཡི་གེ་འབྲུ་དྲུག
243a3 པ།། གསེར་གྱི་བྱ་ཁྱུང་རྒྱལ་པོ་ཡི།། གསང་བ་སྔགས་ཀྱི་སྙིང་པོར་བཤད།། ཡི་གེ་འབྲུ་བཏུ་བའི་ལེའུ་སྟེ་གཉིས་པའོ།། །། དེ་ནས་འཇམ་དཔལ་གཤིན་རྗེ་གཤེད་པོས་ཞུས་པ། ཀྱེ་མ་བདེ་གཤེགས་བཅོམ་ལྡན
243a4 འདས།། སྔགས་ཀྱི་བྱེ་བྲག་ངེས་པ་རྣམས།། འགྲོ་ལ་ཕན་ཕྱིར་བཤད་པར་ཞུ།། ཞེས་ཞུས་པ་དང་། སྟོན་པ་ཀུན་ཏུ་བཟང་པོས་བཀའ་སྩལ་པ། ཆེ་མཆོག་ཧེ་རུ་ཀ་ཡི་སྙིང་པོ་ནི།། ཕྱོགས་བཅུའི་སངས་རྒྱས་ཐམས་ཅད
243a5 ཀྱི།། སྐུ་ཡི་སྙིང་པོ་ཡིན་པར་བཤད།། པདྨ་དབང་ཆེན་སྙིང་པོ་ནི།། ཕྱོགས་བཅུའི་སངས་རྒྱས་ཐམས་ཅད་ཀྱི།། གསུང་གི་སྙིང་པོ་ཡིན་པར་བཤད།། རྡོ་རྗེ་གཞོན་ནུའི་སྙིང་པོ་ནི།། ཕྱོགས་བཅུའི་སངས་རྒྱས་ཐམས
243a6 ཅད་ཀྱི།། ཐུགས་ཀྱི་སྙིང་པོ་ཡིན་པར་བཤད།། འཇམ་དཔལ་གཤིན་རྗེའི་སྙིང་པོ་ནི།། ཕྱོགས་བཅུའི་སངས་རྒྱས་ཐམས་ཅད་ཀྱི།། ཡོན་ཏན་སྙིང་པོ་ཡིན་པར་བཤད།། ཕྱག་ན་རྡོ་རྗེའི་སྙིང་པོ་ནི།། ཕྱོགས་བཅུའི
iiif viewer powered by OpenSeadragon
