| e-texts navigator |
| Wylie |
235a1 པའི་སྔགས་རྣམས་ཐམས་ཅད་ལ།། འདི་བཞིན་ཀུན་ལ་ཤེས་པར་བྱ།། སྔགས་ཀྱི་གཏན་ཚིགས་ཚད་མ་ནི།། ཐབས་ཀྱི་རྒྱལ་པོ་འདིར་གནས་སོ།། འདི་དང་ལྡན་པའི་རྣལ་འབྱོར་གང་།། སྔགས་ཀྱི
235a2 དངོས་གྲུབ་རང་ལ་ཤར།། ཡིད་བཞིན་ནོར་བུ་མ་བཙལ་རྙེད།། བྱ་བའི་ལས་ལ་ཐེ་ཚོམ་མེད།། འདི་དང་མི་ལྡན་རྣལ་འབྱོར་གང་།། ཕྱོགས་འགའ་ཙམ་ལ་བརྟེན་པ་སྟེ།། སྔགས་ཀྱི་དེ་ཉིད་མ་རྟོགས་པས།། བྱ་བའི
235a3 ལས་རྣམས་ཀུན་ལ་རྨོངས།། ཞེས་གསུངས་སོ།། ངན་སྔགས་གཙུག་ལག་གི་རྒྱུད་ལས། སྔགས་ཀྱི་གཏན་ཚིགས་གཏན་ལ་དབབ་པ། སྔགས་ཀྱི་དེ་ཁོ་ན་ཉིད་བཤད་པའི་ལེའུ་སྟེ་དང་པོའོ།། །། དེ་ནས་ཀུན་ཏུ
235a4 བཟང་པོའི་སྤྲུལ་པ་འཇམ་དཔལ་གཤིན་རྗེའི་གཤེད་པོས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། སྤྱི་དཔལ་ཆེན་པོ་ཀུན་ཏུ་བཟང་།། ཐབས་དང་ཤེས་རབ་ཡི་གེ་ལས།། སྔགས་ཀྱི
235a5 ན་ཡ་བརྩི་བའམ།། ཡི་གེ་བཏུ་བ་ཇི་ལྟར་ལགས།། བཅོམ་ལྡན་འདས་ཀྱིས་བཤད་དུ་གསོལ།། ཞེས་གསོལ་པ་དང་། བཅོམ་ལྡན་འདས་དཔལ་ཀུན་ཏུ་བཟང་པོས་བཀའ་སྩལ་པ། ཉོན་ཅིག་འཇམ་དཔལ་གཤིན་རྗེའི
235a6 གཤེད།། སྐྱེ་བ་མེད་པའི་རང་བཞིན་ལས།། སྐྱེ་བའི་ཆོ་འཕྲུལ་བསྟན་པ་ལས།། ཐབས་དང་ཤེས་རབ་ཡེ་ཤེས་ཏེ།། ཐབས་ནི་རྡོ་རྗེའི་རང་བཞིན་ལ། ཤེས་རབ་པདྨའི་རང་བཞིན་ནོ།། ཐབས་དང་ཤེས་རབ་གཉིས
iiif viewer powered by OpenSeadragon
