| e-texts navigator |
| Wylie |
234b1 ནོ།། ཚོམ་ནི་རྣམ་པ་ལྔ་ཡིན་ནོ།། སོ་ནི་རྣམ་པ་བརྒྱ་དང་ལྔ་བཅུའོ།། གཟིར་ནི་རྣམ་པ་གཉིས་ཡིན་ཏེ།། ཕྱེ་བས་བརྒྱ་དང་ལྔ་བཅུར་འགྱུར།། སྡོམ་ནི་རྣམ་པ་བཞི་ཡིན་ཏེ།། རྩིས་ནི་ཐམས་ཅད་ཀུན་ཏུ་རྒྱུག། མིང་དང
234b2 གནས་དང་སྦྱར་བ་དང་།། ལྷག་དང་ཆད་དང་ནོར་བ་དང་།། རྒྱུ་དང་དབྱེ་བ་དག་དང་བརྒྱད།། མགོ་ཅན་མགོ་ནི་གཅད་པ་དང་།། མགོ་མེད་མགོ་ནི་བཏགས་པ་དང་།། འདུག་ས་གོང་འོག་སྤོ་བ་དང་།། མཐའ་རྟེན
234b3 རྣམས་ནི་གཞུག་པ་དང་།། ལོང་བ་རྒྱ་འབྲེལ་བཏང་བའོ།། ཕྱི་དང་ནང་དང་གསང་བ་དང་།། གསང་ཆེན་དང་ནི་གཏེར་དང་གནས།། སོ་ནི་ལས་ཀྱི་རིགས་པ་སྟེ།། བརྒྱ་དང་ལྔ་བཅུ་སྐབས་དང་སྦྱར།། ལས་མཁན
234b4 དང་ནི་བསྒྲུབ་བྱའོ།། ཆོལ་བུ་ཀུན་ལས་བཏུས་པ་དང་།། མང་པོ་གཅིག་ཏུ་སྦས་པ་དང་།། མེ་ཆུ་འགལ་བ་བསོག་པ་དང་།། འུར་པ་གཅིག་དུ་དྲིལ་བོས་དང་།། ཡི་གེ་གྲངས་ཀྱི་ངོས་འཛིན་དང་།། ན་ཡ་བརྩིས་པ་དག
234b5 ཏུ་གསུངས།། སྐུ་གསུང་ཐུགས་དང་ཡོན་ཏན་དང་།། ཕྲིན་ལས་དག་གི་སྐབས་ཀྱིས་འཇུག། སྲོག་སྙིང་རིག་པའི་དེ་ཉིད་ལ།། སྙིང་པོ་གཉིས་ཀྱི་རིག་པ་དང་།། དམ་ཚིག་རྗེས་དྲན་སྲོག་སྙིང་དྲངས།། རང་དབང་མེད
234b6 པར་བོད་པ་དང་།། དངས་མ་བསྐྱེད་པའི་སྲོག་སྙིང་དང་།། རྣམ་པར་ཤེས་པའི་སྲོག་སྙིང་ལ།། སྐབས་ཀྱིས་ཡང་དག་ཤེས་བྱ་སྟེ།། སྔགས་ཀྱི་ཚད་མས་གཏན་ལ་དབབ།། བཀའ་ཡི་གསང་རྒྱུད་ཇི་སྙེད་དུ།། གསུངས
iiif viewer powered by OpenSeadragon
