| e-texts navigator |
| Wylie |
234a1 ངན་སྔགས་གཙུག་ལག་གི་ཀྱད་ཕྱིས།། དེ་ནས་འཕགས་པ་འཇམ་དཔལ་གྱིས་བཅོམ་ལྡན་འདས་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། ཨེ་མ་ཧོ་བདེར་གཤེགས་བཅོམ་ལྡན་འདས།། མ་འོངས་རྣམས་ཀྱི
234a2 དོན་ཕྱིར་དུ།། སྔགས་ཀྱི་དེ་ཉིད་བཤད་པར་ཞུ།། ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། མ་འོངས་རྣམས་ཀྱི་དོན་ཕྱིར་དུ།། སྔགས་ཀྱི་དོན་ཞུ་རབ་ཏུ་ལེགས།། སྔགས་ཀྱི་དོན་རྣམས་ངས
234a3 བཤད་ཀྱིས།། འགྲོ་བ་ཕན་ཕྱིར་གུས་པས་ཉོན།། དང་པོ་མིང་གི་རིགས་པ་ཡང་།། ཀ་ཚན་རྡོ་རྗེའི་ཡི་གེ་སྟེ།། ཨ་ཚན་པདྨའི་ཡི་གེའོ།། ཀ་ནི་ལས་ཀྱི་རང་བཞིན་ཏེ།། ཙ་ནི་འཁོར་ལོ་ཏ་ནི་ཕུར།། ཊ་ནི་དེ་བཞིན
234a4 གཤེགས་པ་སྟེ།། བ་ནི་ཤེས་རབ་ཡ་ནི་རླུང་།། ཤ་ནི་སྟོང་པའི་རང་བཞིན་ཏེ།། རྡོ་རྗེའི་ཡི་གེའི་དབྱེ་བའོ།། ཨ་ནི་སེང་གེ་ཨི་ནི་སྟག། ཨུ་ནི་ཕག་ལ་ཨེ་ནི་ཁྲ།། ཨོཾ་ནི་ཁྭ་ཏེ་ཨཱཾ་ནི་ཁྱི།། པདྨའི་ཡི་གེ་དབྱེ་བའོ།། གསང
234a5 སྔགས་པ་དང་མ་གཉིས་ལས།། སྔགས་ཀྱི་དངོས་གྲུབ་སྣ་ཚོགས་འབྱུང་བའི་སྦྱོར་བ་བཤད་པར་བྱ་སྟེ། དེ་ཡི་རིམ་པ་འདི་ལྟར་རོ།། ཟླ་བ་མིག་དང་ཡོན་ཏན་དང་།། རིག་བྱེད་མདའ་དང་དབང་པོ་དང་།། རྒྱ་མཚོ་བཀྲ
234a6 ཤིཤེས་གཟའ་དང་ཕྱོགས།། དྲག་པོ་ཉི་མ་ཡན་ལགས།། ཚེས་ཞེས་བྱ་བ་རབ་ཏུ་གྲགས།། འདི་ཡི་སྦྱོར་བས་རིགས་པ་དང་།། ཐམས་ཅད་དུ་ནི་ཤེས་པར་བྱའོ།། ཚོགས་ནི་རྣམ་པ་བརྒྱད་ཡིན་ཏེ།། སོ་ནི་རྣམ་པ་ལྔ་ཡིན
iiif viewer powered by OpenSeadragon
