| e-texts navigator |
| Wylie |
233b1 དམ་ཚིག་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། དགྱེས་པས་ཧོ་ཞེས་གསུངས་ནས། རིན་ཆེན་མེ་ཏོག་གཏོར་ཏེ། པྲ་ཏི་ས་མ་ཡ་ཧོ། ཞེས་གསུངས་ཏེ་དེ་ཉིད་ན་འཁོད་དོ།། ཧོ་རྡོ་རྗེ་གསང་བའི་གྲལ་ན
233b2 འདུག། ང་རྒྱལ་དྲེགས་པ་བཏུལ་ནས་ནི།། བཟོད་ཅིག་ཡང་དག་བང་ཆེན་ཏེ།། བཅོམ་ལྡན་ཐུགས་མཆོག་བསྟན་ལ་གནས།། ང་རྒྱལ་འདུལ་ཕྱིར་དེ་ཡི་ཆེད་བཟུང་སྟེ།། ཡུན་རིང་དུས་ན་འཚོ་བར་འགྱུར།། དེ
233b3 ནས་སྐལ་མཆོག་ལས་རབ་ལ།། དེ་ཉིད་དུ་ནི་གནས་པར་འགྱུར།། བསྟན་པ་བསྲུང་མཛད་དབང་དང་ལྡན།། གསང་མཆོག་དང་པོའི་ས་ལ་གནས།། གཙོར་ནི་དེ་བཞིན་དམ་ཚིག་འཛིན།། རྒྱ་མཚོའི་གཏིང་གི
233b4 ཕ་བོང་བཞིན།། བསྐལ་པ་ཡུན་དུ་ཁར་མེ་དབྱུང་།། དགོས་འདོད་དེ་བཞིན་འབྱུང་བར་འགྱུར།། སེང་གེ་དཀར་མོའི་འོ་མ་ནི།། གསེར་དངུལ་བྱ་གང་ནང་དུ་བླུག། ཁམ་པ་གྱོ་མོའི་ནང་བླུགས་ན།། སྣོད་འཆག
233b5 འོ་མ་འབོ་བར་འགྱུར།། དེ་བཞིན་མན་ངག་དམ་པ་འདི།། ལས་རབ་གཅིག་ལ་གནས་གྱུར་ཅིག། ཅེས་ཆེད་དུ་བརྗོད་ནས་མི་སྣང་བར་གྱུར་ཏོ།། དྲག་པོ་ཕུང་བྱེད་ཀྱི་རྒྱུད་ཀྱི་རྟོག་པ་ཕྱི་མ་ལས། ཡོངས་སུ
233b6 གཏད་པའི་ལེའུ་སྟེ་ཉི་ཤུ་རྩ་གཅིག་པའོ།། །། མུན་ཙ་མུན་ཏྲ་ཨ་ལ་ཏྲ་མཆོད་རྟེན་ནག་པོའི་རྒྱུད་ལས། རྟོག་པ་ཕྱི་མ་དྲག་པོ་ཕུང་བྱེད་ཀྱི་རྒྱུད་ཅེས་བྱ་བ། བརྩམས་པས་འགྲུབ་པའི་རྒྱུད་རྫོགས་སོ།།
iiif viewer powered by OpenSeadragon
