| e-texts navigator |
| Wylie |
232b1 སྔགས་ཀྱིས་གཟུག་པར་བྱ།། མཁྲིས་ཆེན་ཐལ་ཆེན་ཀྲུང་ཀའི་སྒོ་ང་དང་།། གཡའ་སྤང་མཚམས་ཀྱི་སྦལ་ཆུང་མཆོངས་པོ་ཆེ།། དེ་རྣམས་དཔྲལ་བར་ཐིག་ལེ་ནི།། བྱས་ན་ལུས་མི་སྣང་བར་འགྱུར།། རྣ་བ་དག་ལ
232b2 བསྐུས་གྱུར་ན།། སྒྲ་ནི་ཅི་ཟེར་ཐོས་པར་འགྱུར།། རྡོ་སྔོན་དག་ལ་རི་མོ་བྲི།། རྡོག་པ་བརྒྱབ་ན་དེ་བཞིན་འགྱུར་རོ།། ཤིང་གི་ཕུར་བུ་ལ་གང་འདོད་པའི་མིང་བྲིས་ནས། ཇི་ལྟར་འདོད་པ་བཞིན་དུ་ཞི་བར་འགྱུར
232b3 རོ།། རྨ་བྱའི་ཐལ་བ་དང་བག་ཕྱེ་དྲོད་ལ་བབ་པར་སྦྱར་ཏེ། རྟ་སྔོན་པོའི་རྔ་མའམ་གྲོ་བོའི་རྔ་མ་ལ་བསྐྱོན་ནས། ཆུ་མིག་གམ་ལྟེང་ཀ་ལ་བསྐྱལ་ན། དེ་སྦྲུལ་དུ་འགྱུར་རོ།། འབུ་སྲིན་ཟ་ན་ཡང་བདུན་བཏུས་ཏེ་ར་རུའི
232b4 ནང་དུ་བཅུག་ལ། བག་ཕྱེས་ཁ་བཅད་ལ། ཚོན་སྣ་ལྔས་དཀྲིས་ལ། ཞིང་དཀྱིལ་དུ་སྦས་ན། དེ་བཞིན་དུ་ཞི་བར་འགྱུར་རོ།། ཨཽ་ཏྲང་ཏི་ཏིང་ཏིག་ཏིག། གྲ་ཐ་བྲག་ཤིག། ཏ་ཐ་ཡ་ཏ། ཙ་ལེ་ཧེ་དུ་ཧཱུཾ་ཕཊ། སྲིན་ནད
232b5 དུ། སོང་། ཤཱནྟི་རཀྟ། ཤན་མུ་རུ་ཁ་ཤ་བཾ་ཧཱུཾ་ཕཊ། སྲིང་དང་གར་ག་ཏ་ཡ། བྲལ་ཡ་ཆུ་ཚན་དུ་བ་ཤནྟེ། ཏི་ས་ར་ནི་ས་ར་ནི་ཧཱུཾ་ཕཊ། ཅེས་གསུངས་སོ།། དྲག་པོ་ཕུང་བྱེད་ཀྱི་རྒྱུད་ལས། ལས་ཐམས་ཅད་འགྲུབ
232b6 པའི་ཐབས་བསྟན་པའི་ལེའུ་སྟེ་བཅུ་དགུ་པའོ།། །། དེ་ནས་དེ་དག་ཐམས་ཅད་ཀྱིས་མགྲིན་གཅིག་ཏུ་སྨྲས་པ། དྲེགས་པ་ཕུང་བྱེད་བྱ་བའི་ཕྱིར།། རྫས་ཆེན་རྣམས་ནི་ཇི་ལྟར་བསྒྲུབ།། ཅེས་གསོལ་ཏོ།། དྲེགས་པ
iiif viewer powered by OpenSeadragon
