| e-texts navigator |
| Wylie |
231b1 ནས་ཡང་འདི་སྐད་ཅེས་བཀའ་སྩལ་ཏོ།། དཔལ་ནི་དྲག་པོས་གསད་པའི་ཕྱིར།། ལྷ་ཀླུ་མི་གནས་པ་ཉིད་དུ། དྲག་པོའི་ཚེར་མ་བསོག་པར་བྱ།། གཞུང་དང་མཐུན་པར་དཀྱིལ་འཁོར་བྲི།། དགྲ་བོའི་ལིངྒ་བྲི་བར
231b2 བྱ།། ཕུར་རྩང་ཉི་ཤུ་རྩ་གཅིག་ལ།། གུ་གུལ་ནག་པོའི་མར་གྱིས་བྱུག། དེ་བཞིན་བསྲེག་ཁང་ནང་དུ་གཞུག། གཡས་སུ་མེ་དང་གཡོན་དུ་མཚོན།། ཨག་ནི་མེ་ཡི་མངའ་བདག་ལ།། ཆུ་ཕུད་ཆང་ཕུད་ཨ་མྲྀ་ཏས།། མཆོད
231b3 པ་བྱས་ལ་གཡས་གཡོན་གཏོར།། དེ་བཞིན་མཚོན་ཆེན་བརྡེག་པར་བྱ།། ཨོཾ་ཨ་ཀ་ནི་རཾ། ཨོཾ་ཙིཏྟ་ཤག་རཾ། ཏི་པ་རི། ཤག་རཾ། ཡཾ་རཾ་ཡཾ་རཾ། མ་ཀེ་ན་རི། ཧེ་ལ་ཧེ། ཤུ་རཾ། མ་རཾ་མ་རཾ། དེ་བཞིན་དུ་ནི་བསྲེག་པར
231b4 བྱ།། ཞེས་གསུངས་སོ།། དྲག་པོ་ཕུང་བྱེད་ཀྱི་རྒྱུད་ལས། དྲག་པོ་ཧོམ་ནག་གི་ལེའུ་སྟེ་བཅུ་དྲུག་པའོ།། །། དེ་ནས་ཡང་འདི་སྐད་ཅེས་བཀའ་སྩལ་ཏོ།། དྲག་པོའི་སྔགས་འདི་ལ་ཡང་གཉིས་ཏེ། དྲག་པོའི་དམག
231b5 སྔགས་བཟློག་པའི་ཕྱིར།། ཡཀྵ་མེ་དཔལ་བྲི་བར་བྱ།། རྩེ་གསུམ་པ་ལ་བཏགས་ནས་ཀྱང་།། དམག་དཔོན་ཆེན་པོར་དབང་བསྐུར་ཏེ།། ཡཀྐ་མེ་དཔལ་ཉིད་ཀྱི་སྔགས།། བདུད་ཀྱི་རྫས་ལ་བསྒྲུབས་ཏེ་རྦད།། དེ
231b6 བཞིན་ཐུམ་པོ་བྱས་ནས་ནི།། སྐྲ་དང་སོར་མོ་དུ་རུ་བླུགས།། དེ་བཞིན་ལུས་བསྲུང་བྱ་བ་ནི། ཨོཾ་ཧཱུཾ་ཡཾ་མ་ལྟེ་བ་སྤྱི།། གཡས་སུ་ང་རྒྱལ་ང་བྲིས་ཏེ།། གཡོན་དུ་མ་དང་ཏྲང་གཉིས་བྲི།། ཞེས་གསུངས་སོ།། དྲག་པོ་ཕུང
iiif viewer powered by OpenSeadragon
