| e-texts navigator |
| Wylie |
231a1 འཕང་།། རྡོ་བ་སྨིན་པའི་ནག་གྲུ་བཞི།། ལྕགས་དང་འཁར་བ་དཔུང་རུས་མགོ། དྲག་པོའི་སྣོད་དུ་བསོག་པར་བྱ།། ཐལ་བས་ཁ་བཅད་རང་གི་འོག། སྔགས་སྲུང་ནག་མོའི་དགུག་སྔགས
231a2 ཀྱིས།། དགུའམ་བཅུ་གཅིག་བསྒྲུབ་གྱུར་ན།། དེ་ཉིད་འཕར་དང་ལྡེག་པར་འགྱུར།། ཁ་དོག་ཚང་བའི་འབི་འབིར་བཞུགས།། དྲག་སྔགས་འདི་ཡིས་གདབ་པར་བྱ།། ཏྲག་ཏྲཾ་རཀྵ་དྲལ་རྩིར་ནི་ཡ་བྲལ། མ་མ་ཏྲག་བྲལ།།
231a3 ཏྲག་རཀྑ། ནརྀ་མ་ཚོ་ཚོ་ཕོབ། འུབ་འུབ་བིར་བ་ཤིག་ཤིག། བིར་བ་ནག་པོ་དེ་ལ་མ།། དེ་ནས་ཡང་འདི་སྐད་ཅེས་བཀའ་སྩལ་ཏོ།། ག་གོན་ནང་དུ་ལིངྒ་གཞུག། དྲག་པོ་འདི་ཡིས་གཟིར་བར་བྱ།། དུག་སྣ་ཚང་བ
231a4 བསོགས་བྱས་ཏེ།། བྲབ་པ་ག་གོན་ཉིད་ལའོ།། བསྲེག་པ་དམ་ཚིག་ཀླུ་ཡི་སྔགས།། ཆུ་མིག་ངོ་རུ་བསྲེག་པར་བྱ།། ཞེས་གསུངས་སོ།། དྲག་པོ་ཕུང་བྱེད་ཀྱི་རྒྱུད་ལས། དམུ་རྡོ་དབབ་པ་དང་། ཀླུའི་དྲག་སྔགས་ཀྱི་ལེའུ
231a5 སྟེ་བཅུ་བཞི་པའོ།། །། དེ་ནས་ཡང་འདི་སྐད་ཅེས་བཀའ་སྩལ་ཏོ།། ཁྭའམ་ཤྲ་ནའི་ཁ་ནང་དུ།། དྲག་པོའི་སྔགས་ཀྱིས་གནན་པར་བྱ།། སྟག་སྦྱངས་ལས་ལ་མངགས་པ་ཡིན།། མཐུན་པའི་ལིངྒ་དུག་གིས་བྲི།། ཁྱི་བྱ
231a6 ཁ་ཁྲིད་མིང་དང་སྤེལ།། དེ་བཞིན་ཀ་ཀོའི་གཟུགས་བྱས་ལ།། སྟག་སྦྱངས་ལས་ལ་བཏང་བའོ།། ཞེས་གསུངས་སོ།། དྲག་པོ་ཕུང་བྱེད་ཀྱི་རྒྱུད་ལས། སྟག་སྦྱངས་ལས་ལ་བཏང་བའི་ལེའུ་སྟེ་བཅོ་ལྔ་པའོ།། །། དེ
iiif viewer powered by OpenSeadragon
