| e-texts navigator |
| Wylie |
230a1 རྣམས་ལ།། རྩེ་གསུམ་པ་ཡི་གྲི་གུག་བརྡེག། སྔགས་ཀྱིས་སྦར་བར་བྱ་བ་ཡིན།། ཞེས་དྲག་སྔགས་འདི་གསུངས་སོ།། སྨར་མ་སྨས་ཙར་དུ་ན་རཾ་ཙ་ག་རི་མ་ལ་མ་དུ་ན་ཡཾ། ཤིང་རཾ་དུ་རུ་ར་ཙ་ག་ལཾ།
230a2 ཞེས་གསུངས་སོ།། དྲག་པོ་ཕུང་བྱེད་ཀྱི་རྒྱུད་ལས། དྲག་པོ་སྟག་ཧོམ་གྱི་རྒྱུད་ཀྱི་ལེའུ་སྟེ་བཅུ་གཅིག་པའོ།། །། དེ་ནས་ཡང་འདི་སྐད་ཅེས་བཀའ་སྩལ་ཏོ།། དྲག་པོའི་ནད་རིགས་བཅོ་བརྒྱད་ལ།། བཅོས་པར་བྱེད་པ
230a3 འདི་རྣམས་ཡིན།། གཞན་གྱི་དབང་གིས་གཅོད་པར་བྱ།། དེ་ནི་ཡན་ལག་འཁུམ་པར་འགྱུར།། གཞན་ཡང་ནལ་ལ་ཉེས་གྱུར་ན།། རིགས་ངན་དག་གིས་ཟིན་པ་ནི།། ཁ་མིག་ཡོ་དང་ཡན་ལག་འཁུམ།། མེ་དཔལ་དྲག
230a4 པོ་ཐོར་པ་འབྱུང་།། ཤ་བཀྲ་ཅན་རྣམས་བཅོས་པར་བྱ།། ཕོལ་ལམ་འབྲས་ལྟར་གྱུར་པ་ལ།། ཅིག་པར་སྐྱེ་ཤི་དེ་ལྟར་བརྗོད།། དེ་རྣམས་བཅོས་པ་འདི་ལྟར་བྱ།། དམ་ཚིག་བསྒྲུབ་པ་བྱས་ནས་ནི།། ཀ་རོ་ཀ་ཡམ་རོ
230a5 རྣམས་ལ།། སྦྲུལ་མགོ་དགུའམ་བདུན་པ་དང་།། ལྔ་པ་གསུམ་པ་དེ་བཞིན་བྲི།། གཞན་ཡང་ལོངས་སྤྱོད་སྣ་ཚོགས་བྲི།། ཤིང་སྣ་ཚང་བ་བསོག་པར་བྱ།། འབྲས་དང་མཚལ་དང་སྣ་ཚོགས་སྨན།། དེ་བཞིན་གཞན་ཡང
230a6 བསག་པར་བྱ།། གླང་བུ་དམར་ཁྲ་ཟལ་དམར་རམ།། གཞན་ཡང་ཟལ་ཆགས་དག་ལ་ནི།། མདངས་ལྡན་བརྒྱ་ཡིས་ར་ལ་བརྒྱན།། རྒྱ་ལོང་མེ་ལོང་དཔྲལ་བར་གདགས།། དར་སྣ་ཚང་བ་རཱ་ལ་བརྒྱན།། བྲིས་པའི
iiif viewer powered by OpenSeadragon
