| e-texts navigator |
| Wylie |
22a1 བྲི།། བྲིས་ལ་ལིངྒ་བར་དུ་གཞུག། ཞག་བདུན་གསལ་གསུམ་དྲག་སྔགས་བཟླས།། ཉིན་མཚན་གུང་ལ་བསྐུལ་ཞིང་བསྟབ།། རྫས་དང་ལིངྒ་མིང་བྱང་བསྲེག། དྲག་སྔགས་བཅུ་བསྡུས་རྫས་རེ
22a2 དབུལ།། བདག་དང་བུམ་པ་མེ་ཐབ་ལ།། ལྷ་ཡི་ང་རྒྱལ་ཟིལ་གནོན་དུ།། སྔགས་དང་བཅས་པས་གསལ་བར་བརྟག། གཤིན་རྗེའི་གཤེད་དང་ཡང་འཁོར་ཀུན།། མེ་ཐབ་ཕྲིན་ལས་བཞི་ཀ་ལ།། གསལ་བར་བྱས་ལ
22a3 ལས་ལ་མངག། མཐའ་རུ་གདུག་པའི་ཀླུ་ལ་གཏད།། ཐལ་བ་མནན་པའི་ཕྱོགས་དག་ཏུ།། ཟོར་དུ་འཕང་བ་ཐུན་བྲབ་ལའོ།། དེ་ནས་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་རྡོ་རྗེ་ལས་དྲག་སྔགས་འདི
22a4 བཏོན་ནོ།། དགྲ་བོའི་སྲོག་ལ་ཧུར་ཤ་ཡག་མཱ་ར་ཡ་རཾ། ཁཾ་རཾ་ཛ་རཾ། ཞེས་ཁ་བསྐང་བའོ།། ཉེ་བར་གྱུར་པའི་སྦྱོར་བ་འདི།། འཁོར་ལོ་ཧོམ་སྦྲེལ་དྲག་པོར་བཤད།། དཔལ་ཚེ་བདག་གི་དགོངས་རྒྱུད་ནག་པོ་ལས།།
22a5 དྲག་པོ་ཧོམ་གྱི་ལེའུ་སྟེ་བཅོ་ལྔ་པའོ།། །། དེ་ནས་ཡང་བཅོམ་ལྡན་འདས་ཀྱིས་ལྷུན་གྱིས་གྲུབ་པའི་སྦྱིན་བསྲེག་གི་སྦྱོར་བ་འདི་གསུངས་སོ།། དང་པོ་ཡིད་མཐུན་བདེ་བ་ཡི།། དུར་ཁྲོད་བདེ་བའི་གནས་དག
22a6 ཏུ།། རང་སེམས་དབེན་པའི་མཚམས་བཅད་ལ།། རྟེན་གཞི་ས་དང་ཉམས་དགའ་ཡིས།། བཤམས་ལ་མཎྜལ་ཁྲུ་གང་བརྩིག། རྒྱ་རུ་དཔག་ཚད་འབྱོར་ཚད་ལ།། རིན་ཆེན་བདུད་རྩི་དུག་ཁྲག་བྱུག། མནྡལ་དབུས་ཀྱི
iiif viewer powered by OpenSeadragon
