| e-texts navigator |
| Wylie |
229b1 སྔགས་ཀྱིས་བསྒྲུབ་པར་བྱ།། ཐོད་པ་དུམ་མང་མཚན་ངན་དུ།། ཕྱིར་ནི་སོལ་ཆེན་ལང་ཁུན་བྱུག། ནང་དུ་དྲག་པོ་བྲི་བར་བྱ།། སྨེ་བའི་ཁྲག་རྣམས་གསོག་པར་བྱ།། མཚན་མར་འཛིན་པའི་བྱ་རྣམས་ལ།། སྦྲུལ་ལམ
229b2 སྦལ་པའི་སྙིང་ཁྲག་བསོག། སྔོ་དམར་བལ་གྱིས་ཁ་གཅད་ལ།། དྲག་སྔགས་འདི་ཡིས་བརྡེག་པར་བྱ།། ཏྲག་རག་མོ་ཧྲིལ་ཤད་སེར་ཧྲིལ་ཤར་བྷྱོ། ཨོཾ་བ་ཤ་མི་ཀི་དུ་རུ་མ་ཤིག་ཀི་ཛ་ལ་ཧི། ཡཾ་ཨ་ཙི་ཏེ་སྭཱ་ཧཱ། བརྒྱ་བ
229b3 སྟེ་ཐོད་པར་གནན་པར་བྱ།། ཐུན་ནི་གཡས་སམ་ཕྱོགས་སུ་བརྡེག། ཆོ་འཕྲུལ་ཇི་ལྟར་འདོད་པ་འབྱུང་།། ཞེས་གསུངས་སོ།། དྲག་པོ་ཕུང་བྱེད་ཀྱི་རྒྱུད་ལས་ཕྲིན་ལས་ཆོ་འཕྲུལ་གྱི་ལེའུ་སྟེ་བཅུ་པའོ།། །། དེ་ནས
229b4 ཡང་མི་རྒོད་ཆོ་འཕྲུལ་འདི་གསུངས་སོ།། དྲག་པོའི་རྫས་རྣམས་འདི་ལྟར་བསོག། ཡ་ཙ་དཀར་པོའི་ལྕགས་རྣམས་དང་།། བྱ་ལས་བྱུང་བའི་ཟིལ་པ་དང་།། མེ་ཡི་ཟིལ་པ་རྡོ་དང་ལྕགས།། སྦར་བ་ལག་ཏུ་བླངས་ནས
229b5 ནི།། མཐུན་པས་དེ་བཞིན་ས་བོན་དབྱུང་།། དེ་བཞིན་རྫས་མཐུན་བསྲེག་པར་བྱ།། གསུར་ཆེན་སོལ་བས་རྫས་དེ་ཞིབ་ཏུ་བཏགས།། ག་གོན་ནག་པོ་བསྒྲུབ་པའི་རྫས།། མེ་འོད་དཀར་པོ་གྲུ་གསུམ་བྲི།། དེ་བཞིན
229b6 རྫས་རྣམས་བླུག་པར་བྱ།། སྒྲུབ་པ་དེ་བཞིན་ཡ་ཙ་ལ།། རྫས་ཀྱི་དབང་བསྐུར་གཤེད་ཆེན་གདགས།། མངའ་བདག་གཙུག་ཕུད་ཅན་ལ་བསྟོད།། དེ་བཞིན་དྲག་པོའི་ཆ་བྱད་བྱ།། སྐྱེད་ཤིང་སྲོག་ཤིང་དྲག་པོའི་ཤིང
iiif viewer powered by OpenSeadragon
