| e-texts navigator |
| Wylie |
228b1 ཡོད་པར་འགྱུར།། ཞེས་གསུངས་སོ།། དྲག་པོ་ཕུང་བྱེད་ཀྱི་རྒྱུད་ལས། མ་མོ་ཕུང་གསུམ་མེའི་དྲག་པོ་ཕུང་བཟློག་གི་ལེའུ་སྟེ་བདུན་པའོ།། །། དེ་ནས་ཡང་འདི་སྐད་ཅེས་བཀའ་སྩལ་ཏོ།། འབྲས་བུ་ནག་པོའི་རྫས
228b2 རྣམས་དང་།། ནག་པོ་མཐུན་པའི་ས་བླངས་ཏེ།། སྨེ་བ་ནག་པོའི་ཁྲག་དང་བསྲེས།། མཐུན་པ་ཙིཏྟ་གཏང་བར་བྱ།། གང་ལ་མཐུན་པའི་ལིངྒ་བྱ།། མི་རུས་ཐ་ལྟག་ཁྲག་གིས་བྲིས།། ཏྲག་བདུན་གྱིས་ནི་བསྐོར་བར
228b3 བྲི།། ཤིང་ཤུན་ཀ་རོ་ཀ་ལ་བྲི།། གྲུ་གསུམ་བྱས་ལ་ལྷ་མོའི་འོག། དེ་ལྟར་མཐུན་པའི་རྫས་རྣམས་ལ།། ལྷ་མོའི་ལིངྒ་ཁྲུ་གང་ངོ་།། གཡས་སུ་བུ་བ་ནག་པོ་ལ།། དད་པའི་སྙིང་པོ་བྲི་བར་བྱ།། གཡོན་དུ་དྲག་པོའི་ཕུར་པ
228b4 ལ།། བསད་པའི་སྔགས་དང་བཅས་པ་བསྐུར།། སྙིང་གར་བོད་པའི་སྙིང་པོ་བྲི།། མདོག་ནག་མོ་ཡི་ཆ་བྱད་དོ།། བཅུ་གཅིག་ནང་པར་སྦྱིན་བསྲེག་བྱ།། རྫས་དང་བསྲེག་པའི་ལྷ་མོ་ཡི།། བོད་རྦད་བསད་པས་བསྒྲུབས
228b5 གྱུར་ན།། དྲག་པོས་བསད་དང་ཕུར་བཟློག་འགྱུར།། དྲག་པོ་ཕུང་བྱེད་ཀྱི་རྒྱུད་ལས། རེ་མ་ཏི་ཕུང་བཟློག་གི་ལེའུ་སྟེ་བརྒྱད་པའོ།། །། དེ་ནས་ནག་མོ་ཕུང་གསུམ་མ།། དུག་སྦྲུལ་ནག་མོའི་བསད་པ་འདི་གསུངས
228b6 སོ།། དུག་གི་ཁུ་བས་སྦྲུལ་ནག་བྲི། ལིངྒ་དེ་བཞིན་བྲི་བར་བྱ།། བསད་ན་མགོ་བོ་ཡན་ལག་ཁ།། ན་ན་རྐང་པ་གཡས་པ་བྲི།། སྨྱོ་ན་རྩིབས་ལོགས་གཡོན་པ་བྲིའོ།། ལིངྒ་དྲག་སྔགས་འདི་ཡིས་བསྐོར།། ཨོཾ་བབ་ཊུ་ཊུ
iiif viewer powered by OpenSeadragon
