| e-texts navigator |
| Wylie |
227a1 སྨྲས་ནས་འདོད་དོ།། དྲག་པོ་ཕུང་བྱེད་ཀྱི་རྒྱུད་ལས་ཐོག་སེར་དབབ་པ་དང་། དྲག་པོ་ཕུང་བའི་ལེའུ་སྟེ་གཉིས་པའོ།། །། དེ་ནས་ཡང་འདི་སྐད་ཅེས་གསོལ་ཏོ།། དྲེགས་པའི་བདག་པོ་ལྷ་བདག
227a2 གཙོ།། སྲིད་པ་སྦྱར་བྱེད་ཕྲིན་ལས་གང་།། ས་བསླང་དབབ་པ་དེ་བཞིན་བསྒྲུབ།། དེ་ཡི་རྫས་རྣམས་ཇི་ལྟར་བསོག། དྲེགས་བདག་ལྷ་ཡིས་བཀའ་སྩལ་པ།། སྲིད་པ་སྒྱུར་བྱེད་འཁོར་ལོ་ལ།། ལས་ཀྱི་མ་མོ་ཐམས་ཅད
227a3 རྫོགས།། འབྲས་བུ་ཐམས་ཅད་བཅུད་ལེན་མ།། ལོ་ནད་རིམས་ཀྱི་མངའ་བདག་མོ།། དེ་ཡི་དཀྱིལ་འཁོར་འདི་ལྟར་བྱ།། དུག་སྣ་ཚང་བར་བསོགས་བྱས་ཏེ།། གཙོར་ནི་མུ་ཟི་ནག་པོས་བྱ།། དེ་ཡི་ཕྱོགས་བཞིར་ཁྲུ་རེ
227a4 བརྐོ།། རུས་སྦལ་པོ་ཁོག་ནག་པོ་ལ།། དེ་བཞིན་ཡབ་ཡུམ་སྙིང་པོ་བྲི།། གླིང་བཞི་རི་རབ་མདངས་ཀྱིས་བརྒྱན།། ཕྱག་དང་དར་གྱི་གུར་ཕུབ་བཞག། འཛམ་གླིང་ཉི་མ་དགུ་འབུམ་བསྟོད་པ་བྱ།། ཞེས་གསུངས
227a5 སོ།། དྲག་པོ་ཕུང་བྱེད་ཀྱི་རྒྱུད་ལས། ས་བསླང་དབབ་པའི་ལེའུ་སྟེ་གསུམ་པའོ།། །། དེ་ནས་ཡང་འདི་སྐད་ཅེས་བཀའ་སྩལ་ཏོ།། མཎྜལ་ཆ་བསྣམས་ཡིད་འོང་ལ།། རྩ་བ་ལྔ་ཡི་ལྡེ་གུས་བྱུག། དབུས་སུ་མཐིང
227a6 ནག་གྲུ་གསུམ་བྱ།། ཟུར་གསུམ་ལོགས་ལ་ཤེས་པར་བྱ།། དབུས་མ་གྲུ་གསུམ་རྩེ་མོ་རུ།། མིང་དང་མཚན་དང་རྟེན་རྣམས་ནི།། ག་གོན་གསུམ་ལས་ཤེས་པར་བྱ།། སྨན་གྱིས་གསོ་དང་རྟེན་དུ་བྱ།། ལིངྒ་ནང་ལ་གདོད
iiif viewer powered by OpenSeadragon
