| e-texts navigator |
| Wylie |
225b1 རྒྱ་གར་སྐད་དུ། སརྦ་བི་ནཱ་ཤ་ཏནྟྲ་ནཱ་མ། བོད་སྐད་དུ། དྲག་པོ་ཕུང་བྱེད་ཀྱི་རྒྱུད་ཅེས་བྱ་བ། དྲེགས་པ་ཆེན་པོ་ནར་གི་རྟི་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། རི་ཀ་རི་ཀ་བྱ་རྐང
225b2 ཕུག་རོན་ཟངས་ཕུག་ཞེས་བྱ་བ་ན། དྲེགས་པ་ལྷའི་བདག་པོ་ཁ་ཐེ་ནག་པོ་ཞེས་བྱ་བ། མུ་སྟེགས་རྣམ་བཞི་གདུལ་བའི་དོན་ཆེད་དུ། དཀའ་ཐུབ་སྦྱིན་སྤོང་མཛད་པ་ལ། གདུག་པ་ཀླུ་གཉེན་མང་པོའི་སྒྲ་སྒྲོག་པ་བྱུང
225b3 ཡང་། ཡིད་ཆགས་ཤིང་གཡོ་བ་མེད་དེ། ཀ་རི་ཀའི་བླ་ཟད་རྣམས་ནས་བསྐོར་བ་ལན་གསུམ་བྱས་ནས། རྡོ་རྗེའི་བརྐྱང་ཕྱག་བཙལ་ཏེ། མགྲིན་གཅིག་ཏུ་སྨྲས་པ། ཨེ་མའོ།། དྲེགས་པ་ཆེན་པོ་ལྷ་ཡི་གཙོ།། ཐབས་ལ
225b4 མཁས་པའི་ཐུགས་རྗེ་ཅན།། དྲེགས་པ་ཆེན་པོའི་བཀའ་བཞིན་བགྱིད།། ཅེས་སྨྲས་སོ།། དེ་ནས་དེ་མ་ཐག་ཏུ་བདུད་གཅོད་བྱེད་ནག་པོས། དྲག་པོ་མཚོན་ཆའི་ཆར་འདི་ཕབ་པོ།། ཏྲག་རཀྵ་ཁ་ལ་ཡཾ་ཤུད། སྙིང་ལ
225b5 འདུས་འདུས། པྲ་ཙ་ལ་པྲ་ཙ་ལ་འུབ་ཙི་ཀ་འུབ་ཙིཀ་ཕཊ། ཅེས་མཚོན་ཆའི་ཆར་འདི་ཕབ་སྟེ་འདི་སྐད་ཅེས་གསུངས་སོ།། དྲག་པོ་ཕུང་བ་འདི་བཟླས་ཀྱིས་མ་སྔངས་ཁྱེད་རྣམས་ཐམས་ཅད་ཀྱང་། དེང་འདིར་ལས
225b6 རྣམས་བཀའ་བཞིན་གྱིས། ཞེས་གསུངས་ཏེ་མི་སྣང་བར་གྱུར་ཏོ། དྲག་པོ་ཕུང་བྱེད་ཀྱི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་མགྲིན་གཅིག་ཏུ་འདི་སྐད་ཅེས་གསོལ་ཏོ།། ཨེ་མ་ཧོ།། དྲེགས་པའི
iiif viewer powered by OpenSeadragon
