| e-texts navigator |
| Wylie |
20b1 ལྡན་འདས་ཀྱིས་ཐམས་ཅད་རྒྱས་པའི་སྦྱིན་སྲེག་གི་སྦྱོར་བ་འདི་གསུངས་སོ།། དུར་ཁྲོད་ལྗོན་ཤིང་ནགས་ཚལ་དུ།། རིན་པོ་ཆེ་ཡི་མནྡལ་ལ།། མེ་ཐབ་གྲུ་བཞི་ཁྲུ་གང་སེར། ཁ་ཁྱེར་མཐོ་གང་ཆག་གང་ཐུར།། སོར
20b2 གཉིས་ཞེང་ལྡན་འཁོར་ལོས་མཛེས།། ནང་དུ་གསེར་དང་ལྡོང་རོས་བསྐུ།། ས་ལ་འཁོར་ལོ་སེར་རྩིབས་བཅུ།། ལྷོ་ཤིང་སེར་པོ་དྲི་ཆེན་དྲི།། གསེར་གྱི་གའུ་ཀ་པ་ལ།། རྒྱས་པར་འདོད་པའི་མིང་བཅས་གཞག། བུ་རམ
20b3 སྦྲང་རྩི་བདུད་རྩིའི་བཅུད།། ཚིལ་སྣ་ཤིང་ཏོག་མེ་ཏོག་དྲི།། རྩི་མར་ཞོ་དང་བཅས་པ་དབུལ།། བདུན་ནམ་ལྔ་རུ་སུམ་ཡར་བསྲེག། སྐུལ་ཚིག་དང་བཅས་སྔགས་ཆུ་སྦྱར།། གའུ་ཁ་སྦྱར་ཚས་ཀྱིས་གྲིལ།། རིགས་རྒྱུད
20b4 ནོར་ལྡན་གོས་ཀྱིས་གཏུམས།། གསེར་ལ་སོགས་པས་སེར་པོར་བསྐུ།། སྐྱེད་མོས་ཚལ་དང་ལུ་མར་སྦ།། དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་སྐུ་གསུང་ཐུགས་རྡོ་རྗེ་ལས་སྔགས་འདི་བཏོན་ཏོ།། སརྦ་ཆེ་གེ་ཨུ
20b5 པ་ཏ་ཡ། བུར་བུ་བ་སིདྡྷི་ཧོ། ཐམས་ཅད་མ་ལུས་རྒྱས་པ་ཡི།། སྦྱོར་བ་དམ་པ་འདི་བཟུང་བྱ།། དཔལ་ཚེ་བདག་གི་དགོངས་རྒྱུད་ནག་པོ་ལས། ཐམས་ཅད་རྒྱས་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང
20b6 བཅོམ་ལྡན་འདས་ཀྱིས་དབང་དུ་བྱ་བའི་སྦྱོར་བའི་འདི་གསུངས་སོ།། དུར་ཁྲོད་དབང་བསྒྱུར་ཟིལ་གནོན་དུ།། མནྡལ་ཁྲུ་གང་རྒྱར་ཁྲུ་གསུམ། ཁྲག་གིས་བྱུག་ལ་མེ་ཐབས་བཅའ།། དབུས་སུ་ཟླ་གམ་དམར་པོ
iiif viewer powered by OpenSeadragon
