| e-texts navigator |
| Wylie |
1b1 རྒྱ་གར་སྐད་དུ།། ཐཻ་ཡ་ཡུ་བ་ཏ~ཾ་ཀཱ་ལ་ཀརྨཱ་ཤ་ཡ་སརྦ་པཱརྷ་ཎ་མ་ཧཱ་ཏནྟ། བོད་སྐད་དུ། དཔལ་ཚེ་བདག་ནག་པོའི་ཕྲིན་ལས་ཀྱི་དགོངས་པ་ཐམས་ཅད་རྫོགས་པའི་རྒྱུད་ཆེན་པོ།།
1b2 བཅོམ་ལྡན་འདས་དཔལ་ཚེ་བདག་ནག་པོ་ཕྲིན་ལས་ཐམས་ཅད་རྫོགས་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཆོས་ཐམས་ཅད་ལྷུན
1b3 གྱིས་རྫོགས་པའི་རང་བཞིན་རྡོ་རྗེ་ཡོངས་སུ་བཀོད་པའི་སྙིང་པོ་འོག་མིན་གྱི་གནས་མཁའ་དབྱིངས་རྣམ་པར་དག་པའི་ཀློང་། རང་བཞིན་ལྷུན་གྱིས་གྲུབ་པའི་གཞལ་ཡས་ཁང་ན།
1b4 འཁོར་རྡོ་རྗེ་སྙིང་པོ་ཉིད་ཀྱི་རང་བཞིན་དང་དུས་གསུམ་གཅིག་པའི་སངས་རྒྱས་རྣམས་དང་། མ་སྐྱེས་པའི་ལམ་ལ་འདུན་པའི་རིག་པ་ཅན་རྣམས་དང་། ས་ལ་གནས་པའི་བྱང་ཆུབ
iiif viewer powered by OpenSeadragon
