| e-texts navigator |
| Wylie |
19a1 གཟེར་སྦུར་ནན། ཕྲོ་ཤར་ཐིལ་བྷྱོ། རཾ་ཐུན་པྲོ་ཤར་ཟིལ་ཕོབ། ཨེ་ཀ་ཡ་མ་གྲི་གྲ་ར་ཙིཏྟ་ནན། འདྲིད་ཕྱུང་ཟད། དྲག་པོ་ལས་ཀྱི་རིམ་བསྡུས་པ།། ལྷུན་གྱིས་གྲུབ་པའི་ཚེ་བདག་གིས།། སྦྱོར་བ་དག་པའི
19a2 ཚེ་དག་བཤད།། དཔལ་ཚེ་བདག་གི་དགོངས་རྒྱུད་ནག་པོ་ལས། གབ་པ་མངོན་དུ་བྱུང་བའི་ལེའུ་སྟེ་བཅུ་པའོ།། །། དེ་ནས་ཡང་བཅོམ་ལྡན་འདས་ཀྱིས། མགོ་དགུ་པའི་སྦྱོར་བ་དྲིལ་བའི་འཁོར་ལོ་འདི
19a3 གསུངས་སོ།། རྩ་བ་གཅིག་ལ་ཡན་ལག་ལྔ།། སྙིང་པོ་ཉིད་ལས་ཡེ་ཤེས་ཀྱི།། འོད་དང་ཟེར་གྱི་ཚུལ་ཅན་གྱིས།། གདུག་པའི་གནས་སུ་མཚམས་དང་སྦྱར།། དུར་ཁྲོད་རས་དང་ཤོག་བུ་ལ།། ཐིག་སྐོར་རིམ་པ་བཞི་རུ
19a4 བསྐོར།། དབུས་སུ་གྲུ་གསུམ་ཟླ་གམ་གསུམ།། མིག་རུས་གང་དམིགས་བསྲུང་བ་བྲི།། ཕྱི་རིམ་རྩིབས་བཞིའམ་ཁྱམས་ཁང་བཞིར།། བྱས་ལ་སྤུ་གྲི་རྫོགས་པར་དགོད།། ཡང་ལོགས་འཁྲུལ་མིག་བཅུ་དྲུག་ལ།། རྩ
19a5 བའི་དྲག་སྔགས་དེ་བཞིན་དགོད།། ཐ་མ་སྦྲུལ་གདུག་ཆེན་པོས་བསྡམ། ཁ་སྦྱར་དུག་ཆུ་ཚ་བ་ཁྲག། བསྐུས་ལ་དོར་ཅང་ལིངྒར་སྦྱར།། ཞག་དགུ་གསལ་གསུམ་གནད་དགུ་བདོག། ཉིན་དགུ་གཏོར་ལ་མཚན་དགུ
19a6 དྲིལ།། གསད་པའི་ལས་དེ་མཐའ་རུ་མནན།། ཞག་དགུ་གཟིར་ཤིག་མནན་པ་ཟོར།། ཆུ་དྲིལ་གཏའ་གཞུག་ཟོར་ཐབས་གཟིར།། ཡན་ལག་ལས་དེ་སྐབས་ཀྱིས་བླངས།། མཐའ་མ་ས་ཡི་འཁོར་ལོ་བཅའ།། མཎྜལ
iiif viewer powered by OpenSeadragon
