| e-texts navigator |
| Wylie |
154b1 ཤུ་པའོ།། །། དེ་ནས་ཡང་རྡོ་རྗེ་སྙིང་པོས་གསོལ་པ། ཨེ་མ་སངས་རྒྱས་འདུས་པའི་སྐུ།། ཆེ་བ་རང་བྱུང་རྒྱལ་པོ་ཁྱོད།། སྟོབས་ཆེན་གྱད་གནོན་བཀའ་ཡི་རྒྱུད།། དྲག་པོ་མངོན་དུ་ཕྱུང་བ་འདི།། དང་པོ་གང་ནས་ཇི
154b2 ལྟར་བྱུང་།། རྒྱུད་དོན་བསྟན་པ་ཇི་ལྟར་ལགས།། ཡོངས་སུ་རྫོགས་དང་གཏད་པ་གང་།། ཞེས་གསོལ་པས་བཅོམ་ལྡན་འདས་ཀྱིས་དྲི་བའི་དོན་རྒྱས་པར་བཤད་དོ།། དྲེགས་པ་འཇོམས་པ་རྡོ་རྗེའི་བདག། ལོངས་སྤྱོད
154b3 འཁོར་གྱི་སངས་རྒྱས་དང་།། བྱང་སེམས་སྤྲུལ་པའི་རིག་པ་འཛིན།། ལྷ་དང་མཁའ་འགྲོ་རྣལ་འབྱོར་མ།། བདུད་དང་སྲིན་པོ་ཤ་ཟའི་ཚོགས།། ཉི་ཟླ་དབང་ཕྱུག་དཀོར་སྲུང་གཟའ།། སྨྱོ་བྱེད་བྱད་སྟེམས་གནོད་སྦྱིན
154b4 ཀླུ།། གཤིན་རྗེ་གཤེད་ཀྱི་དགེ་འདུན་ཀུན།། ང་ཡི་བཀའ་རྒྱུད་རོལ་པ་འདི།། རྣམ་རྟོག་མཚན་མ་རང་གྲོལ་བའི།། རྡོ་རྗེ་བདེ་བ་ཆེན་པོ་འདི།། ཆོས་ཉིད་སྐྱེ་བ་མེད་དབྱིངས་ནས།། བསྟན་པའི་སྙིང་པོ་ངེས་པའི
154b5 དོན།། སྟོང་ཕྲག་བདུན་དང་བརྒྱ་ཕྲག་བརྒྱད།། ཐབས་དང་ཤེས་རབ་སྙིང་པོའི་བཀའ།། སྒྱུ་འཕྲུལ་དྲ་བ་མངོན་རྫོགས་པ།། སྙིང་པོ་ཉེ་བ་འགྲོ་བའི་ལམ།། གསང་བ་ངེས་པའི་བཀའ་རྒྱུད་ཕྱུང་།། སྟོབས་ཆེན་ལྷུན
154b6 གྲུབ་ཟིལ་གྱིས་གནོན།། ཆོས་སྐུ་ལྷུག་པར་རང་གསལ་བ།། ཡང་དག་དགོངས་པ་གཉིས་མེད་གྲོལ།། འབྲེལ་པ་བཞི་ཡི་དོན་ཉིད་རྫོགས།། ཆོས་དང་ཆོས་ཅན་ཆོས་ཉིད་གཅིག། རྣམ་ཤེས་གཟུང་འཛིན་རང་སྣང
iiif viewer powered by OpenSeadragon
