| e-texts navigator |
| Wylie |
153b1 བསྔགས།། བསྒོམ་དང་སྔགས་བཟླས་ཕྲིན་ལས་བཅོལ།། དེ་ནས་བཅོམ་ལྡན་འདས་ཀྱིས། སྔགས་ཀྱི་རྒྱལ་པོ་འཁོར་ལོ་བཟློག་ཅིང་དཀྲུག་པ་འདི་གསུངས་སོ།། ཨེ་མྱགས་ཡ་རྔུབས། མུག་ཤག་དུན། ས་ནཱ་ག
153b2 ཏྲིག། ཕུ་ཛ་ཐུམས་ཧུར། དུ་མེ་ཙ་ཏྲི་ནཱ་གའི་སྲོག་ལ་བྲེང་བྲེང་རྩ་ལ་དུན་དུན། ཁམ་ཤག་སྦུར་ནན་རྦད། ས་ནཱ་ག་རོ་མྱགས་ཙིཏྟ་རྦད། མུག་ཏི་སྲོག་ལ་རྦད། ཁྲམ་ཤིག་དུག་ཕྱུང་རྦད།། དབུགས་ལ་ཐང་གཟེར་ཙི་ཏྲི་ཡ
153b3 མ་རྦད།། ཐུན་རྦད་སྲོག་ལ་བྷྱོ།། ཕྲིན་ལས་རྫོགས་ནས་དུར་ཁྲོད་དམ།། བཀའ་རྟེན་བྱིན་ཅན་འོག་ཏུ་མནན།། ཡ་བག་ཤ་ཡ་ཧ་ལ་དུག། བྱ་བ་ཀུན་འགྲུབ་བརླག་པར་འགྱུར།། སྟོབས་མེད་བྱས་ན་རང་འཆི
153b4 བས།། རྩ་མ་ཧ་རི་ཞེས་བྱར་བཤད།། གཞན་ཡང་ལོ་ཏོག་གཞོམ་བྱ་ན།། བམ་ཆེན་མི་ཡི་ཐོད་པ་རུ།། དགྲ་བོའི་ཡུལ་དབྱིབས་ཞིང་ས་བྲུབ།། སྔོ་དང་རྩི་ཤིང་རྫིང་ཡུར་དང་།། སེར་སྲུང་ཡུལ་ལྷ་བཅས་པ
153b5 གཞུག། མནོ་ལ་ཁྲག་དུག་དང་ཉུངས་དཀར་བྲབ།། ཐ་མ་དགྲ་ཡི་ཡུལ་དབུས་གཞུག། གང་ཞིག་དམིགས་པའི་ལོ་འབྲས་བརླག། གལ་ཏེ་ཕེབས་པར་མ་གྱུར་ན།། ས་བདག་སྙིང་ལ་ཕུར་བས་གདབ།། དུད་བདུག
153b6 རྫས་བསྲེག་དྲག་རྩལ་བྱ།། འཇིག་རྟེན་བརླག་པར་ཡང་དག་བཤད།། དེ་ཡི་གསང་སྔགས་འདི་དག་གོ། ཨེ་དུན་ཀ་ཡཾ་རཱ་ཧུ་ལ་ཏྲིག་ནན། ཕྲེཾ་ཕྲེཾ་ཧྲིལ་ཧྲིལ་ཤར་ཤར་ཕོབ་ཕོབ། མ་ར་ཙ་ཤ་ཏྲིག་ནན། ཕྲེཾ་ཕྲོ་རག་མོ
iiif viewer powered by OpenSeadragon
