| e-texts navigator |
| Wylie |
151a1 གནོད་པའི་བགེགས།། མཆོད་པར་འབུལ་ལོ་ཁ་རམ་ཁ་ཧི།། ཞེས་སྦྱར།། གཡོན་གྱི་ཕྱོགས་ན་ཡུམ་ཆེན་མོ།། མ་གཅིག་རྡོ་རྗེ་ཁྲོས་མ་སྟེ།། སྐུ་མདོག་མཐིང་ནག་འབར་བ་ལ།། གདུག་པའི་རལ་པ་མུན་ལྟར
151a2 གཏིབས།། རལ་བའི་ཟར་བུ་རེ་རེ་ལ།། གསེར་གཡུ་མེ་ཏོག་རྒྱན་ཆ་འཕྱངས།། གདོལ་པའི་ཀླུ་དང་ཐོད་པ་ཡིས།། དབུ་དང་ཕྱག་ཞབས་ལྷལཱུ་ཚིགས་བརྒྱན།། ཞལ་ནས་མི་རོ་རྟ་རོ་འབྲུལ།། སྤྱན་ནས་ཁྲག་འཛག་ཟུ་ལུ
151a3 ལུ།། ཤངས་ནས་རླུང་ནག་འཚུབས་མ་ལྡང་།། གཡས་པ་དགྲ་སྙིང་ཕྱུང་འཁྱུད་ལ།། གཡོན་པ་སྙིང་ཁྲག་གཙོ་ལ་སྟོབ།། དྲག་ཏུ་བསྐུལ་ཞིང་རྦད་ཙམ་ན།། མ་ཚོགས་འབུམ་ཡང་གཟིར་ཞིང་སྔངས།། མ་མོའི་སྦྱིན་ཐང
151a4 དགྲ་ལ་འབེབས།། གང་ལ་བྱ་བ་ཁྱོད་ཤེས་ཀྱིས།། དམིགས་པ་གང་ཡིན་མྱུར་དུ་སྒྲོལ།། ཞེ་སྡང་དྲེགས་པའི་སྦྱོར་བ་ཆོམས།། ལུས་སྲོག་དབང་པོ་དངས་སྙིགས་ཕྱེ།། རྩ་རྒྱུས་ཁྲག་དང་བླ་མཚོ་སྐོམས།། ཟིལ
151a5 གནོན་ཐུགས་ཀྱི་དཀྱིལ་འཁོར་ནས།། འབྱུང་བ་ས་ཡི་དངས་མ་ལས།། རྡོ་རྗེ་རིགས་ཀྱི་ཁྲོ་བོ་སྟེ།། འཇིགས་བྱེད་ཡ་མ་རཱ་ཙ་ནི།། སྐུ་མདོག་སྨུག་ནག་འབར་བ་ལ།། རྔམ་ཞིང་དྲེགས་པས་དགྲ་བགེགས་འདུལ།། རྣ
151a6 བའི་གྲོང་ཁྱེར་སྦྲུལ་གྱིས་བརྒྱན།། ཚངས་པའི་མགོ་བཅད་དོ་ཤལ་བྱས།། གཡས་པ་འཁོར་ལོ་རྩིབས་བཅུ་ཡིས།། དགྲ་བགེགས་མགོ་ལུས་ཚལ་པར་གཤོག། གཡོན་ན་ཙིཏྟ་དམར་པོ་བསྣམས།། འགལ་བྱེད་ཙིཏྟ
iiif viewer powered by OpenSeadragon
