| e-texts navigator |
| Wylie |
14b1 སྦྲུལ་རིན་པོ་ཆེ་ལ་སོགས།། གསོད་བྱེད་ཁྲག་འཐུང་ཚོགས་ཀུན་གནོན།། འཁོར་ལོ་རལ་གྲི་རྡོ་རྗེ་འཕེན།། བེ་ཅོན་གཏུན་ཤིང་སྡིགས་མཛུབ་བརྡེག། ནག་པོ་དྲེགས་པ་བསྒྱེལ་ཏེ་མནན།། རྔམ་པའི་དྲག་སྔགས་དྲག
14b2 པོ་བསྒྲག། ཨེ་ཀ་ཡ་མ་རུ་དྲ་མ་ཏྲ་མཱ་ར་ཡ་རྦད།། དུ་ན་ཧུར་བྲུཾ་ཛ། ནག་པོ་བསྒྲལ་ཏེ་སྒྲིབ་པ་སྦྱངས།། གཤེད་བདག་ཡང་སྦྲུལ་འཁོར་ཚོགས་ཀྱིས།། ནག་པོ་འཁོར་མནན་རང་འཁོར་བསྡུས།། མདངས་ཕུལ་སྣམ་ནས
14b3 བཏོན་ཏེ་བཞག། ཞལ་དུ་གསོལ་བས་བདེ་བ་བསྙེན།། ནག་པོ་འཁོར་བཅས་བརྒྱ་ལ་སངས་ཏེ།། བདག་ཅག་རྒྱལ་བའི་འཁོར་ལགས་པས།། འཁོར་ལ་ཐུགས་རྗེ་མ་ཆུང་བར།། བྲན་འཁོར་ཕོ་ཉའི་ལས་སྐལ
14b4 བྱེད།། བཀའ་བཞིན་བགྱིད་ཀྱིས་དཀའ་ལ་ཐོགས།། ཡུན་དུ་རྒྱལ་བའི་བསྟན་པ་བསྲུང་།། རྣམ་བཞིའི་འཁོར་ལ་ཡུན་དུ་འཚོ།། སྲོག་གི་སྙིང་པོ་འདི་བཞེས་ལ།། བཀའ་དྲིན་བགྱིད་ཀྱིས་འཁོར་དུ་ཞོག། ཅེས་གསོལ
14b5 ཏོ།། དཔལ་ཚེ་བདག་གི་དགོངས་རྒྱུད་ནག་པོ་ལས། དྲེགས་པ་ཅན་ནག་པོ་འཁོར་དང་བཅས་པ་བཏུལ་བའི་ལེའུ་སྟེ་བདུན་པའོ།། །། དེ་ནས་ཡང་བཅོམ་ལྡན་འདས་ཀྱིས་གདུག་པ་གསུམ་གྱི་ནད་ཞུགས་པའི
14b6 མཚན་ཉིད་དང་། ཞུགས་པའི་རྟགས་དང་།། ནད་དེ་འདོན་པའི་གཉེན་པོའི་སྔགས་བརྡེག་པ་དང་།། བརྡེག་པའི་ཐབས་བཤད་དོ།། མཛེ་རིགས་དྲག་པོའི་ནད་དར་ནས།། འཇིག་རྟེན་འགྲོ་བ་མི་ཡུལ་དུ།། གདུག་པ
iiif viewer powered by OpenSeadragon
