| e-texts navigator |
| Wylie |
145a1 པར་མཛོད།། ཅེས་གསོལ་ཏོ།། དེ་ནས་བཅོམ་ལྡན་འདས་ཀྱིས་ཕྱག་རྒྱ་བསམ་གཏན་གྱི་ལས་འདི་དག་བཤད་དོ།། དབེན་པའི་གནས་སུ་མཎྜལ་བཤམས།། རིན་ཆེན་བུམ་པར་རིན་ཆེན་བཅུད།། སྣ
145a2 དགུའི་ཆུ་དང་དྲི་ཞིམ་དགང་།། དྲི་དང་སྙིང་པོ་འཚོ་བྱེད་དགང་།། ཁ་རྒྱན་མགུལ་ཆིངས་མེ་ཏོག་མཛེས།། བདག་ཉིད་ཕྱག་རྒྱའི་སྐུར་བསྒོམས་ལ།། ཐུགས་ཀའི་སྙིང་པོ་འོད་བཅས་འཕྲོས།། དངོས་རྟོག་བསྲེག་སྦྱང
145a3 གཞལ་ཡས་ཁང་།། གདན་ལ་རྫོགས་པ་ཟིལ་གནོན་སྐུ།། ལྷུན་གྱིས་གྲུབ་པའི་ལྷ་རྒྱུད་བསམ།། ཡིད་ཀྱིས་སྤྲུལ་ཏེ་མཆོད་ཕུལ་ནས།། གསང་སྔགས་བརྒྱ་སྟོང་བཟླས་ཤིང་བསྟིམ།། ལྷ་རྣམས་འོད་ཀྱི་གོང་བུར
145a4 ཞུ།། བཀྲུས་པས་ནང་དུ་ཞེན་ཆགས་སྦྱོང་།། སྤྱོད་པ་སྔགས་ཀྱིས་བསྲུང་བར་བཤད།། སྙིང་གར་ཕྱག་རྒྱ་སྔགས་གསལ་བསང་།། རྩ་རྒྱུད་དག་ཅིང་ཞེན་ཆགས་སྦྱོང་།། འཁོར་ལོ་རྒྱུན་གྱི་ཁྲུས་སུ་བཤད།། རྣམ་རྟོག
145a5 བག་ཆགས་འཛིན་མེད་གྲོལ།། ལྟ་བ་ཆོས་ཉིད་ཁྲུས་སུ་བཤད།། དེ་ནས་བཅོམ་ལྡན་འདས་ཀྱིས་ཕྱག་རྒྱ་བསམ་གཏན་གྱི་གསང་སྔགས་འདི་གསུངས་སོ།། ས་ནཱ་ག་ཙིཏྟ་རོ་མྱགས་ཁ་ཟམ་སྲོག་གཟིར། སྦྱར་ནན།།
145a6 འདྲིད་ཕྱུང་། ཧྲི་ཤག་རྦད། སྤྱི་ཆིངས་སྒོ་ཡི་ཁ་ཆིངས་མཆོག། ཕྱག་རྒྱ་བསམ་གཏན་སྲུང་བ་དེ།། སྲུང་བ་ཀུན་གྱི་མཆོག་ཏུ་བཤད།། གཞན་ཡང་སྲེད་པའི་སྦྱོར་བ་བཤད།། ཡིད་མཐུན་གནས་སུ་རྫས་བསགས
iiif viewer powered by OpenSeadragon
