| e-texts navigator |
| Wylie |
144b1 སྟོབས་ཀྱིས་བཤིག། རྗེ་རིགས་ཕྱག་ན་རྡོ་རྗེས་བཤིག། དམངས་རིགས་གདོལ་པ་གཤིན་རྗེས་བཤིག། བྲམ་ཟེ་ཁྱམས་ཁང་ལྟོ་བར་བཤིག། ཕྱག་རྒྱ་རྫོགས་དང་སེམས་དཔའ་རྫོགས།། གང་ཟག་ཤེས་པའི་སྟོབས
144b2 དང་སྦྱར།། ཀུན་ལ་སྲིད་པའི་རུས་སྦལ་ཏེ།། སྔགས་ཀྱི་ཕྲེང་བ་འགྱེད་དང་སྡུད།། ཡུལ་ལ་དམིགས་པ་གསུམ་དུ་སྦྱར།། རང་བཞིན་ལྷ་ལ་དམིགས་པས་ནི།། སྒྲིབ་བྱང་རྫོགས་པས་དབྱིངས་སུ་ཐིམ།། དྲག་པོའི་ངན
144b3 སྔགས་སྦྱིན་ཟང་འབྲུ།། སྤུ་གྲི་དུ་མས་གཅོད་བྱེད་མཚོན།། བདུག་སྐུད་རྫས་རྒོད་དུ་བ་ཡིས།། ཀླུ་དང་གཉེན་དང་ས་བདག་དང་།། མ་མོ་རྒྱལ་པོ་ཟེའུ་རང་བཙན།། ཀླུ་བསེན་མོ་དང་དམ་སྲི་དང་།། མཛེ་འདྲེ་ལ
144b4 སོགས་འཇོམས་པར་བྱེད།། རང་བཞིན་དབང་སྡུད་ཏིང་འཛིན་ཏེ།། འཕེན་པའི་རྟ་ཞེས་དཔའ་བོས་བཤད།། འཕགས་པ་འཇམ་དཔལ་གཤིན་རྗེའི་རྒྱལ་པོ་སྡིག་པ་སྟོབས་ཆེན་གྱི་རྒྱུད་ལས། གཉེན་པོ་ལྷའི་རྟོག་པ
144b5 བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་ཡང་རྡོ་རྗེ་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མ་ཡང་གསང་རྣལ་འབྱོར་ཆེ།། ལྷ་ཡི་རྟོག་པ་དེ་ལྟར་ན།། ཕྲིན་ལས་སྦྱོར་ཁ་རྫོགས་མཛད
144b6 པའི།། ཕྱག་རྒྱ་བསམ་གཏན་ཁ་ཆིངས་མཆོག། བུམ་པའི་སྦྱོར་བ་ཇི་ལྟ་བུ།། ཕན་གདགས་པ་དང་ཚར་བཅད་པའི།། སྲེག་པ་མེ་ཡི་སྦྱོར་ཁ་གང་།། དྲེགས་པ་སྟོབས་ཀྱིས་གནན་པ་ཡི།། ལས་རིམ་རྫོགས་པ་བཤད
iiif viewer powered by OpenSeadragon
