| e-texts navigator |
| Wylie |
134b1 སྐུ་རུ་བསྒོམ།། ཨ་ཡི་ཡེ་ཤེས་ལས་བྱུང་བས།། སྦྱོར་བ་ལས་ཀྱི་རྒྱལ་པོ་ཀུན།། སྤྲུལ་པ་ཚེ་བདག་ནག་པོར་རྫོགས།། ཡ་ཡི་ཡེ་ཤེས་ལས་བྱུང་བ།། རླུང་གི་སྟོབས་ཀྱིས་འཕེན་སྐྱེད་པ།། གཤིན་རྗེ་ཡ་མ་རཱ་ཛར
134b2 རྫོགས།། མ་ཡི་ཡེ་ཤེས་ལས་བྱུང་བ།། བསྐྱེད་དང་སྡུད་པར་བྱེད་པས་ན།། མ་མོ་རྡོ་རྗེ་ཁྲོས་མར་རྫོགས།། ཧེ་ཡི་ཡེ་ཤེས་ལས་བྱུང་བ།། དགྱེས་པའི་གར་དགུ་གདུག་པ་འཇོམས།། བྱ་ཁྱུང་རྒྱལ་པོ་སྙིང་པོ
134b3 རྫོགས།། དུན་གྱི་ཡེ་ཤེས་ལས་བྱུང་བ།། སྲོག་དང་དབང་པོ་ལས་བསྡུས་ནས།། ལས་ཀྱི་འཆི་བདག་ཆེན་པོ་རྫོགས།། སྙིང་གི་ཡེ་ཤེས་ལས་བྱུང་བ།། གདུག་པ་མ་ལུས་གནས་སུ་འཇོམས།། ཁྱུང་མོ་སྨུག་ནག་གཉིས
134b4 སུ་རྫོགས།། ཁྲག་གི་ཡེ་ཤེས་ལས་བྱུང་བ།། དྲེགས་པ་འཇོམས་པའི་རྡོ་རྗེ་རྫོགས།། ར་ཡི་ཡེ་ཤེས་ལས་བྱུང་བ།། བསྲེག་ཅིང་སྐེམ་བྱེད་གནས་སུ་སྤོར།། ཞེ་སྡང་གདུག་པ་སྦྲུལ་ནག་རྫོགས།། མ་ཡི་ཡེ་ཤེས་ལས་བྱུང
134b5 བ།། ཕོ་ཉ་ལས་ལ་མངག་པ་སྟེ།། བདུད་མོ་ཁྲག་གི་རལ་པར་རྫོགས།། ཙ་ཡི་ཡེ་ཤེས་ལས་བྱུང་བ།། སྣང་སྲིད་སྲོག་དང་བླ་བསྡུས་ནས།། རུས་སྦལ་རྔམ་པའི་སྐུ་རུ་རྫོགས།། ཡ་ཡི་ཡེ་ཤེས་ལས་བྱུང་བས།། ལས་ཀྱི
134b6 རླུང་གིས་འཕུལ་ཞིང་སྒྲོལ།། སྲོག་བདག་ཤན་པའི་སྐུ་རུ་རྫོགས།། དེ་ལྟར་ལྷ་ཡི་ངོ་བོར་ཤར།། ནུས་པ་མེ་རླུང་ལས་ཀྱི་མཚོན།། དུག་གི་མེ་དཔུང་ལྟ་བུར་བཤད།། དེ་ནས་བཅོམ་ལྡན་འདས་ཀྱིས་གསང་སྔགས་འདི
iiif viewer powered by OpenSeadragon
