| e-texts navigator |
| Wylie |
130a1 བཅོམ་ལྡན་འདས་ཀྱིས་དྲི་བའི་དོན་རྒྱས་པར་བཤད་དོ།། བསྐལ་པ་རྫོགས་ལྡན་བྱ་བ་ལ།། ལྷོ་ཡི་འཛམ་བུའི་གླིང་འདི་རུ།། བདེ་བའི་དབང་ཕྱུག་དེད་དཔོན་ཞེས།། རིགས་ཀྱི་བདག་པོར་གྲགས་པ
130a2 ཞིག། གྲགས་པ་སྔགས་ཀྱི་སྒོར་ཞུགས་ནས།། བགྲོད་པ་མ་ཐོབ་དཔེ་ལས་མཚོན།། བརྡའ་དོན་མ་གྲོལ་ལྷུག་པར་སྤྱད།། རིགས་ངན་མོ་ལ་གྲོགས་སུ་སྤྱད།། ཤ་ཁྲག་ཀེང་རུས་རྣམས་ལ་རོལ།། འཇིག་རྟེན་དྲེགས་པ
130a3 ཤ་ཁྲག་བསྟེན།། སྔགས་ཚིག་ཕྲ་མོའི་སྟོབས་དང་ལྡན།། རྟག་པའི་ཁྲོ་བོ་ཡོད་པར་བསྒོམས།། ལུས་ཆེ་ཡན་ལག་རགས་ལ་བལྟས།། དོན་གྱི་གདེང་སྟོབས་མ་རྙེད་པར།། དངོས་པོ་ལ་ནི་སྒྲ་བཞིན་སྤྱད།། གསང
130a4 སྔགས་བཀའ་བསྒོ་ལོག་པ་ཡིས།། དུས་མ་ཡིན་པར་ཚེ་ཟད་ནས།། ན་རག་རྡོ་རྗེ་དམྱལ་བར་ལྟུང་།། བཞི་བརྒྱ་རྩ་བཞིའི་ནད་རྣམས་མྱོང་།། ཚད་མེས་མནར་ཏེ་བདེ་བས་བྲེལ།། བསྐལ་པ་བཞི་ནས་བརྒྱད་གཉིས
130a5 འཁོར།། ཚ་གྲང་གནས་ནས་བསྐལ་པ་བཞིར།། འཁོར་ཞིང་སྡུག་བསྔལ་ཟད་པའི་མཐར།། ཉི་ཚེ་ཉེ་འཁོར་ཁ་འཁོར་ནས།། བསྐལ་པ་གཉིས་སུ་སྡུག་ཅིང་འཁྱམས།། དེ་མཐར་ཕྱི་ནང་སྒྲིབ་པའི་གནས།། སྐྱེ་བ
130a6 གཉིས་དང་དུད་འགྲོར་གནས།། དེ་མཐར་རྫུ་འཕྲུལ་ལུས་བླངས་ཏེ།། གཤིན་ཡུལ་འཇིགས་ཤིང་སྐྱི་གཡའ་བའི།། ལྕགས་མཁར་བཅུ་དྲུག་བཅུ་གཉིས་འོབས།། ཐོད་མཁར་ཆེན་པོའི་ཕོ་བྲང་དུ།། ལས་ཀྱི་གཤིན་རྗེ
iiif viewer powered by OpenSeadragon
